• Ved oppseiing av leigeavtalen må det gis skriftleg melding om dette minst 30 dagar før du vil flytte.
• Du må betale husleige for heile oppseiingsperioden, også om du du flyttar tidlegare.
• Flyttar og leverer du nøklar etter oppseiingsdatoen, må du betale leige til og med den dagen du leverer nøklar.

Lenke: Klikk her for å seie opp leigeforholdet

Når du flyttar ut må du: 

• vaske alle golvflater og lister, veggar og tak, skuffer og skap på kjøkkenet, vindauge og vindaugskarmar, dusj/badekar og toalett.  
• rydde ut alle eigedelar frå bustaden og eventuelle boder. 
• la litt varme stå på om du flyttar om vinteren.
• levere nøklar til Ulstein Eigedomsselskap (UEKF).

Om ikkje anna er avtalt, skal bustaden vere rein, ryddig og i same stand som då du flytta inn.

Unntaket er slitasje som skuldast vanleg bruk over tid, og manglar som Ulstein Eigedomsselskap (UEKF) sjølve skal utbetre.

Er bustaden ikkje i orden, må du betale for reparasjonar og arbeid for å sette i stand bustaden igjen.