Barne- ungdoms- og familieetatens (Bufetat) hovudoppgåve er å gi barn, unge og familiar som treng hjelp og støtte, tiltak med rett og god kvalitet. Familievernkontoret Sunnmøre gir tilbod om rådgiving og samtalar når det er vanskar, konfliktar eller kriser i familien. Kontoret utfører også lovpålagt mekling for foreldre med felles barn under 16 år ved samlivsbrot og samarbeidsvanskar mellom foreldra.

Alle som treng å prate om vanskelege forhold kan søke familierådgiving ved familievernkontoret.

Eksempel på forhold der familierådgiving kan vere til hjelp:

• styrke parforholdet
• avklare om parforholdet skal halde fram eller ikkje
• avslutte parforholdet på beste måte
• kome vidare etter eit brot i parforholdet
• styrke foreldrekompetansen
• betre samarbeidet om barn med tidlegare partner
• avklare rollene i ny familie
• avklare forholdet til anna familie
• leve med sjukdom/nedsett funksjonsevne i familien
• kome vidare etter ei alvorleg hending/utfordring
• hjelp i kultur-/minoritetsspørsmål
• hjelp ved fysisk/psykisk vold
• hjelp ved rus
• informasjon, råd og rettleiing

Kva kostar det?

Tenesta er gratis.

Korleis tinge time?

Du treng ikkje tilvising for å kome til oss. For tinging av time, ring eller send e-post til ekspedisjonen i Ålesund:

Telefon: 466 17 390
E-post:  familievernkontoret.sunnmore@bufetat.no

Kontaktinformasjon

Familievernkontoret i Ålesund
Langelandsvegen 17
6010 Ålesund

Her finn du meir informasjon om familievernet.