Tilbodet er til deg som er utan bustad, og for deg som ikkje er i stand til å skaffe deg bustad sjølv eller med hjelp frå andre. Det må vere økonomiske, helsemessige eller sosiale forhold som gjer at du får tilbod om bustad gjennom kommunen.

Tildeling av kommunal bustad vert gjort etter lov om kommunane sitt ansvar på det bustadsosiale feltet, og Ulstein kommune sine gjeldande retningslinjer for tildeling av kommunal bustad. 

Når vi har fått søknaden vil du så snart som råd få førebels svar med oppsett dato for kartlegging av bustadbehovet ditt.

Søknaden vert behandla av eit tverrfagleg team med representant frå Nav, eigedomsavdelinga og omsorgstenesta. Det vert halde møte ein gong i månaden.

Husleiga varierer utifrå storleik og standard. Personar som bur i kommunal bustad kan på visse vilkår søke om bustøtte.

Klikk her for å seie opp leigeforholdet.

Fristen for å klage på vedtak er tre veker.

Send klage med grunngjeving og eventuelle nye opplysningar og dokumentasjon til Ulstein kommune ved kommunalsjef helse og omsorg, postboks 143, 6067 Ulsteinvik.

Husleigelova regulerer plikter og rettar i forholdet mellom leigar og utleigar av bustader.

Her kan du lese kva det er nyttig å vite om husleigelova.