Ulstein kommune har planar om å inngå avtale om nye administrasjonslokale i Ulsteinvik sentrum, og inviterer difor til ein marknadsdialog med relevante leverandørar.
Les heile invitasjonen her: Invitasjon til marknadsdialog (PDF, 888 kB)
Formålet med marknadsdialogen er å presentere behova til kommunen, utforske moglegheiter, og få innspel frå marknaden for å kunne stille gode krav og relevante tildelingskriteria.
Kommunen gjennomfører en digital dialogkonferanse for aktuelle leverandørar 24. oktober klokka 11.00–12.00 på Microsoft Teams.
Agenda:
- Kort om Ulstein kommune
- Presentasjon av bakgrunn og behov
- Framdriftsplan
- Spørsmål/svar/innspel
Ein-til-ein møte
Etter dialogkonferansen vil det same dag verte gjennomført ein-til-ein-møte med relevante leverandørar. Kvart møte vil vare opptil 40 minutt. Dei påmeldte leverandørane vil få høve til å presentere sine overordna løysingar og skisser, og kome med spørsmål.
Vi oppmodar interesserte leverandørar om å delta på ein-til-ein-møte. Møtetidspunkt vert fordelt etter “førstemann til mølla-prinsippet”.
Påmelding
Påmelding til dialogkonferansen og ein-til-ein møte kan du sende til charlotte.gulbrandsen@inventura.no innan 21.10.22.
Oppgi namn på deltakarar og e-postadresse og om de melder dykk på dialogkonferanse og/eller ein-til-ein-møte.
Dei påmeldte vil få tilsendt lenke til møtet/møta i forkant og seinast dagen før.
Dyr renovering
Ulstein kommune har 8 745 innbyggarar og rundt 640 tilsette. Dei tilsette er i dag spreidd på fleire lokasjonar. Rådhuset treng omfattande renovering i løpet av kort tid. Kommunen ønsker difor å sjå etter andre alternativ. På rådhuset jobbar det i dag 40 tilsette innanfor alle etatar. I tillegg til desse ønsker kommunen å samlokalisere med andre tilsette som i dag sit på andre lokasjonar, som til dømes Ulstein Eigedomsselskap KF og Ulstein Fjernvarme.