Helse og omsorg melder om nye besøksrutinar for Alvehaugen og Holsekerdalen 20.
For Alvehaugen gjeld desse rutinane: Alle må nytte munnbind og sprite seg på hendene når dei kjem. Det er berre lov med besøk på rommet eller i leilegheita. Det er ikkje høve til å opphalde seg i fellesarealet, men besøkande går inn hovudinngangen og direkte til rommet. Du må vere frisk, og halde 1 meter avstand til den du besøker.
Elles rår helse og omsorg til at besøkande har på seg munnbind under besøket, men det er høve til å ta det av om du held 1-2 meter avstand frå den du besøker. Kjem du frå eit områdemed stort smittetrykk er det ønske om at du tek ein hurtigtest før du kjem på besøk. Registrer deg gjerne i besøksloggen.
For Holsekerdalen 20 gjeld desse rutinane:
- Vi ønsker dykk velkomne på besøk, men for å følge smittevernråda og vareta dei som bur her så låser vi ytterdørene frå torsdag 16. desember, er meldinga frå helse og omsorg.
- Vi ber om at besøkande er friske når dei kjem på besøk, og oppmodar tilreisande frå område med mykje smitte om å ta ein hurtigtest før dei kjem. Ev. kan de teste dykk her.
- Vi ønsker at alle har på seg munnbind, held god avstand, har god handhygiene og at besøk skjer i den enkelte si leilegheit. Vi vil gjerne registrere namn på besøkande for ei eventuell smittesporing.
- Vi prøver så langt som råd og gjennomføre underhaldning og program som er planlagt på ein smittevennleg måte, då med få personar utanfrå og som held god avstand.
- Ta kontakt med personalet om de lurer på noko. Med desse tiltaka håper vi at alle i Holsekerdalen får ei fin jule- og nyttårsfeiring!