Direktoratet for samfunnssikkerhet og beredskap

Kva er eigenberedskapsveka?

Egenberedskapsveka er ein nasjonal kampanje frå Direktoratet for samfunnstryggleik og beredskap (DSB). Målet er å gjere deg meir medviten om korleis du kan klare deg sjølv i minst éi veke utan tilgang til kritisk infrastruktur som straum, vatn og mobilnett.

Planlegg din eigenberedskap

Last ned sjekkliste for eigenberedskap

Program på Ulstein bibliotek – veke 44

Gjennom heile veka kan du møte lokale beredskapsaktørar og få svar på spørsmål om eigenberedskap:

• Tysdag 28. oktober klokka 10.00–14.00: Heimevernet og sivilforsvaret
  Onsdag 29. oktober klokka 12.00–14.00: Ulstein omsorgsberedskapsgruppe
  Torsdag 30. oktober klokka 12.00–14.00: Hareid og Ulstein brannvesen
  Fredag 31. oktober kl 12.00–14.00: Hareid og Ulstein brannvesen
  Laurdag 1. november 
  • klokka 12.00–14.00: Sivilforsvaret
  • klokka 13.00: Branningeniør Live Gandborg les for born i barnehagealder

I tillegg vil biblioteket ha ei utstilling av bøker knytt til beredskap, tryggleik og samfunnsansvar.

Kom og snakk med oss

Har du spørsmål, synspunkt eller berre lyst til å lære meir om korleis du kan vere førebudd? Då er du hjarteleg velkomen til å slå av ein prat med representantar frå sivilforsvaret, heimevernet, Ulstein omsorgsberedskapsgruppe og brannvesenet.

Eigenberedskap er eit felles ansvar

Ved å vere førebudd, bidreg du til tryggleik – både for deg sjølv og for dei rundt deg. Eigenberedskapsveka er ei påminning om at beredskap startar med deg.

Saman står vi sterkare – og det startar med kunnskap. Velkomen til biblioteket!