Konsekvensane av barneekteskap
Konsekvensane av barneekteskap er store – ikkje berre for jentene som giftast bort, men for barna deira og samfunnet dei lev i. Jentene blir hindra i å nå sine draumar og mål, og frårøvast moglegheita til å skape ei god framtid.
Barneekteskap bremsar utvikling og opprettheld fattigdom. Der jenter giftast bort som barn og mister moglegheita til å gå på skule, aukar risikoen for at dei vert utsette for vald og overgrep. Dei mister retten til å bestemme over eige liv og kropp. Difor skal årets TV-aksjon jobbe for å få slutt på barneekteskap!
Får jenter moglegheita til å gå på skule, bestemme over sin eigen kropp og bli lytta til i samfunnet, vil det føre til mindre fattigdom, mindre vald og meir rettferd.
Med årets TV-aksjon skal vi nå ut til tre millionar menneske for å få slutt på barneekteskap i dei landa der problemet er størst: Bangladesh, Nepal, Malawi, Mali og Niger. Saman skal vi gi jenter moglegheita til å velje si eiga framtid, og vie seg til livet.
Barn skal få vere barn, ikkje brud.
Bli med på årets viktigaste søndagstur 24. oktober!
Bli bøsseberar - registrer deg her
I tillegg til tradisjonell bøsseinnsamling, kan du samle inn eller bidra på mange andre måtar
Opprett digital bøsse
Givarstafetten: Gi eit bidrag no!
Næringsliv
Fleire tusen bedrifter vel kvart år å gi eit bidrag til TV-aksjonen. Mange vel også å knytte bidraget opp mot engasjement internt i bedrifta, eller eksternt ut mot kundar og samarbeidspartnarar.
På denne sida er det mogleg for bedrifter å registrere eit bidrag og samtidig utforske andre moglegheiter for engasjement.
Skular og barnehagar
Leik og lær for ei god sak! Engasjer din skule/barnehage i årets TV-aksjon gjennom vårt årlege undervisningsprogram, skuleløp eller basar.
Organisasjonar
TV-aksjonen er ei unik moglegheit til å samle og mobilisere organisasjonar og foreiningar over heile landet for éi felles sak. Saman gir vi livsviktig hjelp til millionar av menneske. Bli med på årets TV-aksjon!
Her kan du lese om korleis din organisasjon kan bidra.
Tru- og livssynssamfunn
Kvart år mobiliserar TV-aksjonen på tvers av trusretningar og livssyn. Vi får til store ting i fellesskap, og når ulike trussamfunn engasjerer seg i TV-aksjonen får endå fleire kunnskap om årets viktige sak.
Her får du idear til innsamlingsaktivitetar, korleis mobilisere og spreie informasjon.