Gjennom Tørn-programmet deltek vi i læringsnettverk leia av konsulentar frå KS. Vi samarbeidar, støttar og får gode innspel frå andre kommunar i nettverket som står framfor tilsvarande utfordringar som vi i Ulstein vil møte.

Meir effektiv bruk av kompetanse

Ulstein kommune driftar helse- og omsorgstenestene godt per dags dato. Vår utfordring er å finne ut kvar vårt potensial er. Vi jobbar for at vi gjennom å delta i Tørn-programmet kan få nokre handfaste tiltak vi kan sette i verk for å stadig jobbe for ei berekraftig teneste.  Fafo* har følgeforska arbeidet, og evalueringa er god. Fafo-rapporten viser at arbeid med oppgåvedeling har gjort dei tilsette meir medvitne på oppgåvene dei utfører og tenestene dei gir. Ansvarsfordelinga har vorte klarare og kommunane får ein meir effektiv bruk av kompetansen til dei tilsette. Involvering og medverknad frå dei tilsette er ein viktig faktor for at arbeidet skal vere vellukka.

Tørn-programmet er eit endringsarbeid som tek tid. Oppgåvedeling og endring krev grundig planlegging, god informasjon og regelmessig oppfølging dersom vi skal lukkast.

* forskar på arbeidsliv, utdanning, velferd og migrasjon

I Ulstein kommune jobbar alle einingar som har døgndrift med Tørn-programmet. Vi ser på oppgåvedeling, og det er difor dei tilsette som er “brukargruppa”. Det er difor heilt naudsynt å involvere dei tilsette som jobbar i tenestene; det er dei som har dei beste føresetnadane for å finne gode og nye løysingar. KS gir oss gode verktøy, rettleiing og støtte i dette arbeidet.

Arbeidsgruppe og prosjektgruppe

Alle arbeidsgruppene har representantar frå tillitsvalde, verneombod, leiarar, avdelingsleiarar og tilsette med ulik fagbakgrunn.

I prosjektgruppa sit kommunalsjef (prosjekteigar), einingsleiarane for dei aktuelle einingane, hovudtillitsvald for Norsk Sykepleierforbund og Fagforbundet og prosjektleiar. Prosjektgruppa jobbar tett på dei ulike arbeidsdgruppene, og sikrar god framdrift i arbeidet.

Representant for HTV, HVO og toppleiargruppa i kommunen er styringsgruppe.

Levekårsutvalet får ei orientering om arbeidet på kvart møte.

Prosjektet hadde oppstart i oktober/november 2024. Prosjektet er venta å vere avslutta mot slutten av november 2025.

• Tørn-sida til KS
• Fafo-rapport

– Dette er viktig folkens!