Ulstein helsestasjon tilbyr gratis kurs i foreldrerettleiingsprogrammet Tryggleiksirkelen (Circle of security parenting, COS-P). 

Kurset er anbefalt til alle foreldre. Du treng ikkje oppleve at foreldrerolla er vanskelig, eller at ditt barn har behov for noko spesielt. Tilbodet er til deg som ønsker å hjelpe barnet ditt til å få ei trygg tilknytning.

Tryggleiksirkelen er ein modell som kan hjelpe deg å sjå og forstå barnet sitt behov og følelsar. 
Vi ønsker å gi foreldre eit verktøy som kan vere til hjelp i kvardagen med borna. Eit «vegkart» som gir retning. Kurset handlar både om det å kunne sjå barnet innanfrå og seg sjøl utanfrå og kva signal borna og foreldre sender til kvarandre. Programmet bygger på forskningbasert kunnskap om korleis foreldre-barn-relasjonar kan støttast og styrkast.

Klikk her for å lese meir om innhald i kurset og tidspunkt for neste kurs og kontaktinformasjon til kurshaldarar.

På Circle of Security International kan du lese meir om innhaldet. 

Marte Meo er ein metode for å gi råd og rettleiing til foreldre som opplever at det å oppdra barn kan vere både vanskeleg og slitsamt. Metoden er mest nytta til barn under 10 år, men kan også nyttast på eldre barn.  

Tilbodet er gratis.

Vi veit at foreldre gjer mykje for barna sine som både er rett og viktig. I det daglege er dette ikkje alltid så lett å oppdage, det forsvinn i mas, fortviling og bekymring.

For å oppdage dei gode augneblinkane, filmar vi situasjonar der foreldre og barn er saman. Filmane gjer oss i stand til å sjå og påpeike augneblinkane vi ikkje oppdagar i kvardagen. Filmen vert brukt som utgangspunkt for samtale og rettleiing. Filmane er eit praktisk arbeidsreiskap. Dei skal ikkje sjåast av andre enn familien og terapeuten eller dei familien gir løyve til.

Gjennom Marte Meo ser vi kva barnet meistrar og kva det treng å meistre, det vil seie kva som vert det neste utviklingstrinnet. Vi kan sjå kva som fungerer godt og kva som enno ikkje er utvikla. 

I samarbeid med foreldra kan metoden også nyttast ved råd/rettleiing til tilsette i barnehage, lærarar og andre som arbeider med barn. 

Ta gjerne kontakt med Ulstein helsestasjon for meir informasjon:
E-post: ulstein.helsestasjon@ulstein.kommune.no 
Tlf.: 70 01 78 80

Marte Meo-terapeut i Ulstein:
Gry Grønmyr Jonberg 
Tlf: 481 68 230

Sjå brosjyre om Marte Meo (PDF, 557 kB) for meir informasjon.

På Marte Meo foreninga sine sider kan du lese meir om metoden.

PMTO - Parent Management Training Oregon 

Dette er eit tilbod til foreldre som har barn i alderen 3-12 år med åtferdsvanskar.

PMTO har fokus på samspelsmønster som fremjer samarbeid og positiv utvikling mellom føresette og barn. Ein har også fokus på å bygge gode relasjonar mellom barn og føresette. 

Ein kan søke om PMTO når føresette strevar med barnet sitt og samspelet er prega av mas, aggresjon, konflikter og at barnet ikkje høyrer etter.

Dersom ein ynskjer tilbod om PMTO kan føresette ta kontakt med PPT, helsestasjon, barnevern eller direkte med PMTO-terapeutane. Andre tenester kan også ta kontakt på vegne av føresette.

Ta gjerne kontakt med Ulstein helsestasjon for meir informasjon:
E-post: ulstein.helsestasjon@ulstein.kommune.no 
Tlf.: 70 01 78 80

PMTO terapeutar i Ulstein:
Kristin Sæther
Tlf.: 469 51 825

Gry Grønmyr Jonberg
Tlf.: 481 68 230 

Sjå brosjyre om PMTO (PDF, 919 kB) for meir informasjon.

På heimesidene til PMTO kan du lese meir om tilbodet. 

Ved Ulstein helsestasjon er det jamleg tilbod om kurs i babymassasje. 

Kurset går som regel over 5 gongar, og ein brukar ca. 1-1,5 time kvar gong. Etter kurset vert det pratestund og høve til å dele erfaringar med andre foreldre. 

Det er fint å starte med massasje frå barnet er seks veker og til det når krabbestadiet. 

På kurset lærer foreldra:

• metode for massasje av barnet
• om massasjen sine gode verknader
• å tolke og svare på barnets signal
• å tilpasse massasjen til større barn
• gode tidspunkt for å massere, og tidspunkt ein ikkje bør massere barnet
• litt teori om babymassasje

• babymassasje er eit fantastisk verktøy for å styrke det gode samarbeidet mellom foreldre og barn.
• babymassasje hjelper foreldre til å forstå og tyde barnets kroppsspråk.
• babymassasje hjelper både foreldre og barnet til å frigjere spenningar, og gir eit pusterom i kvardagen.

Ta gjerne kontakt med Ulstein helsestasjon for meir informasjon:
E-post: ulstein.helsestasjon@ulstein.kommune.no 
Tlf.: 70 01 78 80

Eller direkte med helsesjukepleiarane som har kurs i babymassasje:

Ann Iren Brautaset
Tlf.: 488 95 043

Gry Grønmyr Jonberg 
Tlf.: 481 68 230

Sjå nettsida Babymassasje i Norge for meir informasjon. 

TINT  “tuning into teens” er eit foreldreveiledningsprogram til tenåringsforeldre. Programmet fokuserer på utviklingsmessige behov hos tenåringar. Hovudfokuset er å styrke det emosjonelle bandet mellom foreldre og tenåringen. 

Ulstein helsestasjon tilbyr TINT to gonger i året som gruppebasert foreldrekurs på 6 kurskveldar.

Ta kontakt med Ulstein helsestasjon for meir informasjon eller påmelding.