Dette gjeld husstandar som har ei samla bruttoinntekt på inntil grunnbeløpet i folketrygda (G) x 3.

• 1G=124 028 kroner
• 3G=372 084 kroner

Einslege forsørgarar kan ha samla bruttoinntekt på inntil 3,5 G (434 098 kroner) ved siste skatteoppgjer for å søke fritak frå eigedomsskatt.  

Skjema for søknad om nedsetting/ettergjeving

Dokumentasjon i form av utskrift av siste års skatteoppgjer for alle i husstanden må leggjast ved søknaden. 

Meir om eigedomsskatt i Ulstein

• Du må søke kvart kalenderår. Dette er viktig for å kunne få oppdatert informasjon. 
• Ordninga er eit tiltak for innbyggarar med låg inntekt. Inntekt er til dømes lønn, pensjon, renteinntekter, aksjegevinstar m.m. 
• Husstanden betyr alle som bur fast på eigedomen, også heimebuande barn over 18 år.
• Eventuell inntekt frå leigebuar vert rekna som inntekt for søkar.
• Søkar må sjølv bu på eigedomen det vert søkt for.
• Du får ikkje innvilga søknad om likvid formue som bankinnskot, aksjar og liknande overstig folketrygda sitt grunnbeløp (1G). Dette gjeld for alle husstandsmedlemmar over 18 år. 

Heimel for nedsetting eller ettergjeving:

Lov om eigedomsskatt § 28: «Gjer særlege grunnar at det kom til å verta særs urimeleg om heile eigedomsskatten vart innkravd, kan skatten setjast ned eller ettergjevast av formannskapet.»            

Det var kommunestyret i Ulstein som 12. desember 2024 gjorde vedtak om at det i Ulstein skal vere mogleg å søke om fritak for eigedomsskatt (sjå punkt 5H i sak 150/24 i protokollen frå møtet). 

Adobe Stock