I løpet av veke 17 vil Peab K. Nordang sette opp gjerde rundt området der dei skal bygge nye omsorgsbustadar i Skollebakken 1. Det vert difor endra gang- og køyremønster i området.

Riggplan i samband med bygging av nye omsorgsbustadar. Den grøne linja illustrerer anleggsgjerdet. Den gule linja viser ny avkøyrsle for tilsettparkeringa til Amfi. Amfi ser du nedst i bildet. Den blå linja viser veg for mjuke trafikantar.

Det skal byggast 20 nye omsorgsbustader i Skollebakken 1. Planen er å også inkludere personalområde med sambruk for helse og omsorg, heimetenesta og rus- og psykiatritenesta.

Også grunnarbeidet er venta å starte i veke 17. Dette vil gå føre seg fram til sommarferien. Det kan vere at dei må sprenge i området i samband med grunnarbeidet. Dette vert varsla med lydalarm.

• Veke 17: Oppstart av grunnarbeid og inngjerding av området
• Veke 22/23: Oppsett av brakkerigg/anleggskontor
• Veke 33: Oppstart av betongarbeid
• Veke 37: Levering av betongelement