Foreininga har eit styre som består av pårørande, og det er styret som står for program og gjennomføring av arrangementet. I tillegg til variert program og underhaldning, så er smørbrød, kake og kaffi ein fellesnemnar. For å dekke kostnadar vert det sendt rundt ei bøsse slik at kvar enkelt kan betale inn det som høver. Den første torsdagen i desember er det basar. Overskotet går til trivselstiltak på Alvehaugen. Den første torsdagen i januar er det julebord.  

Arrangementa vert annonsert i lokalavisa. Det vert også hengt opp plakatar på Alvehaugen i god tid før samlingane, med informasjon om tid og innhald.