Kven kan få spesialundervisning? 

Opplæringslova gir rett til spesialundervisning for vaksne som ikkje klarer å nyttiggjere seg det vanlege grunnskuletilbodet for vaksne. Sjå Utdanningsdirektoratet sine sider om spesialundervisning for vaksne.

Vaksne som har behov for opplæring for å kunne utvikle eller halde ved like grunnleggjande ferdigheiter kan også ha rett til spesialundervisning. Denne opplæringa er lagt til Ulstein kompetansesenter, som er ein del av eininga Inkludering og mangfald i Ulstein.

Kompetansesenteret gir tilbod til vaksne med:

• medfødd eller erverva funksjonsnedsetjing
• synshemming
• høyrselshemming
• språk- eller talevanskar, afasi
• spesifikke lærevanskar

Før skulen gir tilbod om spesialundervisning skal PPT utarbeide sakkunnig vurdering.

Kva fag blir det gitt spesialundervisning i?

Grunnleggande ferdigheiter i grunnskulefag og i grunnleggande ferdigheiter som:

• kommunikasjon
• lesing/skriving
• rekning
• digitale ferdigheiter/bruk av IKT
• ASK (alternativ og supplerande kommunikasjon)
• opplæring i bruk av diverse hjelpemiddel
• synspedagogisk opplæring:
  - punktskrift
  - mobilitet
  - synstrening
• høyrselspedagogisk opplæring:
  - opplæring i teikn som støtte for tale
  - lyttelæring etter CI
• ADL (dagleglivets aktivitetar)
• sansestimulering
  - Snoezelenavdeling (PDF, 99 kB)

Korleis søker du? 

Du søker til Ulstein kompetansesenter på dette skjemaet. 

Ta gjerne kontakt for meir informasjon.