Barnesyn – det kompetente, kreative og utforskande barnet. Barna sine opplevingar kjem gjerne til uttrykk gjennom teikning, samtalar, drama, musikk og liknande. Barns medverknad blir i varetatt når personalet tek omsyn til kvart enkelt barn sin kompetanse.
Vaksenrolla – autoritative vaksne og rammer som gir gode tilhøve for utvikling. Barn og vaksne utforskar, undrar seg og kjem fram til løysningar i fellesskap.
Læringsmiljø – Barnehagen har gode leike- og læringsmiljø med vekt på likeverd og mangfald. Det fysiske miljøet på avdelingane reknast som «den tredje pedagogen».
Prosjektarbeid – vi tek utgangspunkt i barnas interesser. Prosjektarbeid styrkar barna sin sjølvkjensle, identitet, tryggleik, deltaking og involvering. Langvarige prosjekt vert vektlagt for å skape heilskap og samanheng for barna.
Pedagogisk dokumentasjon – ein arbeidsmåte som handlar om å gjere det pedagogiske arbeidet synleg og ope for tolking, dialog, diskusjon og innsikt. Gjennom observasjonar, teikningar, foto, samtale og refleksjonar, fangar vi opp barnas interesser og legg grunnlag for å drive prosjektarbeid vidare.
Vår visjon:
"Vi gir alle barn ein meiningsfull og inkluderande kvardag"
Sundgotmarka barnehage skal vere ein god stad å vere for alle barn, foreldre og personale. Vi er ein lærande organisasjon som ser det enkelte mennesket. Barnehagen skal vere ein trygg og spennande stad å vere for barna, og ein triveleg og utviklande arbeidsstad for personalet.
For barnehageåret 2022 – 2023 vil barnehagens sitt systematiske arbeid med kvalitet vere retta mot desse fokusområda:
- Implementering av nye lovparagrafar i barnehagelova kapittel 3 og 8.
- Natur, miljø og friluftsliv – vi brukar naturen som arena for leik, undring, utforsking og læring. Vi har fjøre, skog, myr og fjell som nærområde og nyttar dette som turmål kvar veke.
- ASK – Alternativ og supplerande kommunikasjon
Standard
- ASK er bra for alle, avgjerande for nokon
Indikatorpunkt
- Dagtavler er i bruk på alle avdelingar
- Tematavler er tilgjengeleg for alle rutinesituasjonar og leik inne og ute
- Personalet utarbeidar nødvendige tematavler
- Prosjektarbeid og pedagogisk dokumentasjon