Vår aller viktigaste samfunnsressurs er innbyggjarane våre. For å skape det samfunnet vi ønsker no og i framtida, treng vi gode levekår. Ulstein kommune skal vere ein kommune det er godt å vekse opp og bu i. Levekårsplanen skal legge ei strategisk retning for korleis det skal skje, og fungere som eit overordna styringsverktøy. Levekårsplanen skal gjelde for heile Ulsteinsamfunnet og har som mål at vi saman, på tvers av sektorar og bransjar, leverer gode tenester og skaper gode løysingar for utviklinga av kommunen vår. (Henta frå innleiinga til levekårsplanen 2020-2032).