Innstrammingane kjem på bakgrunn av anbefalingar frå Helsedirektoratet og Folkehelseinstituttet. Endringane trer i kraft ved midnatt, natt til fredag 29. januar 2021. Dei nye innreisereglane kjem i tillegg til eit omfattande system ved grensa, med krav om negativ test før ankomst til Noreg, registrering av føremålet med reisa og karantenestad, obligatorisk test ved grensa og lovpålagt karantene.

Dei nye innstrammingane er inngripande og regjeringa vil ta ei ny vurdering om to veker. Regjeringa vil samarbeide med partane i næringslivet for å finne gode løysingar innanfor eit strengt regime.

Utlendingar som har starta på ei reise til Noreg før endringane skjer, får likevel adgang til innreise.

Her får du meir informasjon om regjeringa si pressemelding 27. januar 2021.