Canva
Feittfrie avløp - gode råd i julematlaginga
Når vi lagar ribbe, pinnekjøt og andre feite rettar, blir det mykje feitt til overs.
Hugs: feitt høyrer aldri heime i vasken eller toalettet!
Kvifor er det viktig?
Når feitt blir tømt i avløpet, stivnar det og kan lage store proppar i røra. Dette kan føre til:
- Tette avløp heime hos deg
- Kostbare reparasjonar
- Problem i det kommunale avløpsnettet
- Auka risiko for kloakkutslepp til naturen
Feitt og matrestar i avløpet tiltrekkjer seg også mus og rotter.
Slik skal du gjere det
- Avkjøl feittet etter matlaging
- Skrap av feittet frå steikepanna og gryter med papir før du vaskar
- Samle flytande feitt i ein tom kartong eller flaske, tape igjen og kast det i restavfallet
- Bruk matavfallspose til mindre feittrestar
Dette er små grep som gjer stor forskjell – både for røra dine og for miljøet!
Vis feittvett – spar deg for trøbbel!
Takk for at du hjelper oss å halde avløpssystemet i Ulstein kommune i god stand.
God jul!