- Dekk aldri til eit ulmande bål med sand
Bålkos på stranda.
Pixabay
Ein fin sommarkveld på stranda med saltvatn i håret, eit blussande bål og grilla marshmallows. Men kva gjer du med bålet når du forlet stranda?
Denne artikkelen er over 1 år gamal og kan innehalde utdatert informasjon.
Ta kontakt dersom det er noko du lurer på.
- Du må gjerne tenne mindre bål i strandkanten der det ikkje veks vegetasjon. Dei same reglane gjeld for bålpanne og grill, seier branningeniør Live Gandborg i Hareid og Ulstein brannvesen.
- Men dekk aldri til eit ulmande bål med sand. Glørne er varme i lang tid under sanden. Strandgjester som kjem etterpå kan brenne seg dersom dei trakkar på den varme sanden.
Oppmodinga er difor klar: Kos deg med bålet, men sørg for at det er forsvarleg sløkt med vatn før du forlet stranda.
Her kan du lese Forskrift om open brenning og brenning av avfall i småomnar i Ulstein.
Sist endra 21.06.2021 14:12