​Oppdatert 09.09.2023: Totalt var det 2029 innbyggarar i Ulstein som førehandsrøysta. I tillegg sende vi 112 røyster vidare til andre kommunar.

Finn opningstider, vallister og anna på samlesida vår her 

Så mange har røysta – og her har dei røysta

Tabellen viser ei oversikt over kvar vi har vore og tatt i mot førehandsrøyster. Totalt er det om lag 6 500 som har røysterett i Ulstein.

*Merk at det er få på Sunnmøre folkehøgskule, sjølv om dei var over 50 som røysta. Grunnen til det er at det i hovudsak var røyster som vi må sende vidare til andre kommunar, og dei er difor registrert under "Til andre kommunar", nest nedst i tabellen.

Til andre kommunar​

Kva har kommunane Råde, Strand, Time, Vestby, Kvinnherad, Nordre Follo, Gol, Høyanger, Ål, Tromsø, Øvre Eiker, Bodø, Bjørnafjorden og 25 andre kommunar til felles? Dei har alle innbyggarar som har røysta i Ulstein for heimkommunane og heimfylka sine.

Du kan røyste i alle kommunar i heile landet til og med fredag 8. september, så ta gjerne turen innom biblioteket denne veka! Valdagen 11. september må du stemme i kommunen du er folkeregistrert.

Vi likar godt å sende røyster vidare til andre kommunar. Her ser du alle som har fått post frå Ulstein:

Dag for dag

Takk for at du nyttar deg av røysteretten din! Vi håper på mange fleire førehandsrøyster dei tre siste dagane, og også god oppslutning på valdagen 11. september.

Godt val! 

To nøgde valansvarlege i Ulstein, Harald Øvereng og Janne-Marit Myklebust, på vakt på Sunnmøre folkehøgskule.