To representantar frå fellesrådet stilte villig opp som prøvekaniner då Kari Marie Øvrebøe hadde ein gjennomgang av kurset. Eli Marte Dalhaug

Tid og stad

Vi held fram med SeniorSmart-tilbodet vårt, og torsdag 6. november kl. 11.30-13.00 vert det SeniorSurf på biblioteket. 

Tema

Temaet denne gongen er "Bli trygg på nett”.  I denne delen av SeniorSurf-kurset skal vi styrke hjernemuskelen og lære korleis vi kan vere trygge på internett. Vi lever i ei digital verd der stadig meir skjer på nett – frå bank og offentlege tenester til sosiale medier og e-post. Difor er det viktig å vite korleis vi kan beskytte oss mot nettsvindel og digitale truslar.

Du vil lære om

Digital tryggleik – kva det betyr å vere trygg på nett, og korleis du kan sikre dine eigne opplysningar.

Nettsvindel – korleis svindlarar prøver å lure deg, og kva du bør vere merksam på.

Unngå å bli lurt – enkle grep du kan ta for å vere føre var, som å kjenne igjen falske e-postar og nettsider.

Kva gjer du dersom du blir lurt? – steg for steg kva du bør gjere, og kvar du kan få hjelp.

Undervisinga er praktisk og tilpassa alle nivå – du treng ikkje ha erfaring for å vere med! Vi skal bruke ekte eksempel og kjekke oppgåver som gjer det lett å forstå og hugse.

Hugs: Du er aldri for gammal til å lære noko nytt! Å vere trygg på nett handlar ikkje om alder, men om kunnskap – og den skal vi bygge saman. 

Kom gjerne 15 minutt før kursstart for ein god prat og litt kaffi.