PlankartTeknisk utval har i møte 02.07.2026 gjort følgjande vedtak:
Teknisk utval syner til framlegg til detaljregulering for Holsekerdalen næringsområde - del 1, planID 20220004, og går inn for følgjande endringar av framlegget:
- Fortau leggast inn langs f_V i innerkurve med tilhøyrande føresegn under § 3.2
- I føresegnene § 3.1.2 preiserast det at fortau skal forlengast fram til trygt kryssingspunkt med gangfelt
- I føresegnene § 3.1.2. vert det lagt inn at det kan etablerast ladestasjon for elektriske køyretøy innanfor formålet
Etter at kulepunkta over er endra av plankonsulent, kan planframlegget sendast på høyring og leggast ut til offentleg ettersyn, jf. pbl. § 12-10.
I det vidare planarbeidet tilrår teknisk utval vurdering av følgjande:
- tilknyting til fjernvarmenettet Ulstein Fjernvarme AS har liggjande inntil området
- utarbeiding av handelsanalyse, jf. det som går fram av saksutgreiinga
Detaljregulering for Holsekerdalen næringsområde – del 1 vart starta opp med tanke på å flytte trelastforretninga Coop Obs bygg frå Glopen til Holsekerdalen, og etablere daglegvarebutikk på Glopen. Dette har forslagsstillar no gått vekk i frå. Trelasthandelen vert verande på Glopen og planforslaget legg opp til å etablert daglegvarebutikk, forretningar og bevertning i Holsekerdalen, med eit samla bruksareal på om lag 4800 kvm. Planen legg vidare opp til å endre tilkomstveg med tilhøyrande fortau og etablere vegetasjonsskjerm.
Plandokumenta finn du på arealplaner.no
Plankartet kan også sjåast på www.sunnmørskart.no.
Merknader til framlegget skal vere skriftlege og kan sendast via Ulstein kommune – kontakt oss eller til Ulstein kommune, Teknisk etat, postboks 143, 6067 Ulsteinvik innan 18.09.2026, og merkast med saksnummer 22/2442.
Generelle opplysningar: Merknader som kjem inn er kommunen sitt grunnlag for å endre planforslaget, og vert vurdert og lagt fram for politisk mynde saman med kommunedirektøren sine vurderingar av merknadane. Vi svarer difor ikkje på merknader enkeltvis.