Her får du opplæring i alt frå grunnleggande datakunnskap til litt meir avanserte ferdigheiter. Kurset passar både for nybegynnarar og deg med litt erfaring. Undervisninga er lett og praktisk, med kjekke oppgåver om nyttige tema. Ta med eigen berbar PC, nettbrett eller smarttelefon. Om du ikkje har BankID app, bør du ta med deg kodebrikka di.

Vi har litt utstyr til utlån ved behov.

SeniorTimen gir deg kunnskap om viktige tema som aktivitet og fellesskap, velferdsteknologi, omsorgsbustadar, helse, mat og andre aktuelle tema. Dei fleste eldre i Noreg lever aktive og sjølvstendige liv, men når behovet for hjelp aukar, er det viktig å kjenne til dei moglegheitene som finst. Tilboda varierer frå kommune til kommune, og gjennom SeniorTimen får du informasjon og verktøy for å leve eit sunt og aktivt liv i Ulstein

Saknar du SeniorSmart?

Det er oppstart av nye kurs til hausten.

Ulstein kommune vil kome med nye og spanande tema, så følg med.

Har du innspel til tema? - Send oss gjerne ein e-post;

eli-marte.fjortoft@ulstein.kommune.no

eli.marte.dalhaug@ulstein.kommune.no

Alle samlingane er på Ulstein bibliotek, torsdagar mellom klokka 11.30–13.00. 

SeniorTimen og SeniorSurf har samlingane sine på Ulstein bibliotek, torsdagar klokka 11.30–13.00.

Kom gjerne 15-20 minutt før timen startar for ein kopp kaffi og god prat. 

Dette er eit tilbod vi arbeider med å sette i gang hausten 2026.  Meir informasjon kjem etter kvart. 

_________

SeniorGaming vil bli eit nytt tilbod for deg som er senior og har lyst til å utforske speleverda saman med ungdommar frå nærområdet.

Her får du høve til å lære, leike og knyte kontakt på tvers av generasjonar – i eit inkluderande og sosialt miljø.

Gjennom spel og aktivitetar byggjer vi bru mellom unge og eldre, og skapar rom for felles opplevingar, latter og læring. Du treng ikkje vere erfaren med dataspel – det viktigaste er at du er nysgjerrig og har lyst til å vere med.

Har du lyst å bidra til ein god samtale og trygg stemning? 

Kanskje vere med å motivere og støtte, og dele informasjon om sosiale aktivitetar, tilbod og møteplassar for eldre i kommunen?

Ulstein kommune ønskjer å høyre frå deg som kan tenke deg å vere frivillig i SeniorSmart.

Både dei som kan halde kurs, vere med på opplæring i heimen, eller vere ein støttespelar under kursa i biblioteket.

Du treng ikkje vere ekspert på noko som helst; ditt bidrag vil utgjere ein forskjell - uansett.

Ta kontakt med oss!

eli-marte.fjortoft@ulstein.kommune.no 

eli.marte.dalhaug@ulstein.kommune.no