Kommunen sitt kontrollselskap kontrollerer alle stadar som sel tobakksvarer til forbrukar.

Vi ser mellom anna etter:

• at opplysingane i tobakkssalsregisteret stemmer med opplysingane på salsstaden
• at tobakksvarer ikkje vert seld til personar under 18 år
• at det ikkje vert reklamert for tobakksvarer
• at tobakksvarer og tobakksutstyr ikkje er synleg oppstilt (gjeld ikkje spesialforretningar)
• at tobakksvarer ikkje vert seld med rabatt eller vert gitt vekk
• at varene er kjøpt frå registrert grossist
• at salsstaden har internkontroll som gir dei tilsette god nok kunnskap om regelverket

Alle salsstadar for tobakk skal ha eit internkontrollsystem. Internkontrollen inneber at dei ansvarlege på salsstaden skal:

• ha oversikt over lovverket
• gi dei tilsette opplæring i regelverket og salsstaden sine eigne rutinar
• ha oversikt over korleis oppgåver og ansvar er fordelt
• kartlegge utfordringar
• ha rutinar for å sikre at regelverket vert overhalde
• ha rutinar for å førebygge, avdekke og rette opp avvik
• gjennomgå internkontrollen regelmessig

 
Her er mal du kan bruke for internkontoll(ODT, 14 kB). (Fil henta frå Oslo kommune].

Brot på regelverket kan føre til ulike reaksjonar:

• retting av det ulovlege forholdet
• salsforbod i ei periode
• tvangsmulkt

Alle salsstader for tobakk må kvart år betale ei tilsynsavgift til kommunen.

Tilsynsavgifta følgjer satsane i Forskrift om registrerings- og bevillingsordning for tobakksvarer mv - Lovdata § 33.

Tobakk, røyk og snus - Helsedirektoratet