Ein kreftkoordinator kan hjelpe kreftsjuke og pårørande med koordinering og tilrettelegging av kvardagen. 

Koordinatoren skal bidra til gode rutinar og system for kreftomsorga i kommunen.

Last ned brosjyren vår (PDF, 145 kB)

Koordinatoren er ein tilgjengeleg ressursperson for deg som har kreft eller til deg som er pårørande.

Koordinatoren bidreg til å skape heilskap, samanheng og forutsigbarheit i kreftomsorga.  Koordinatoren har oversikt over relevante tilbod og tenester, og kan formidle kontakt med dei ulike tenestene og aktuelle samarbeidspartnarar. Koordinatoren kan vere bindeleddet mellom deg, fastlegen, spesialisthelsetenesta og kommunen.

Kreftkoordinatoren er kommunen sin kontaktperson for pakkeforløp heim for pasientar med kreft.

Kreftkoordinatoren kan hjelpe om du

• har barn og/eller unge som pårørande
• treng nokon å snakke med, og få råd og rettleiing om sjukdomen
• har mykje å forholde deg til i samband med kreftsjukdomen og slit med å halde oversikt
• opplever biverknadar av kreftsjukdom og behandling
• har plagsame seineffektar etter avslutta kreftbehandling og treng oppfølging

Alle som får ei kreftdiagnose får tilbod om Pakkeforløp heim for pasientar med kreft. 

Pakkeforløpet skal sikre ein god overgang mellom sjukehus og kommune, slik at pasient og pårørande skal få god oppfølging gjennom heile forløpet.  Pakkeforløpet er eit tilbod om samtalar for å få fram dine behov for tenester og oppfølging, utover sjølve kreftbehandlinga. Det er din livssituasjon, og kva som er viktig for deg, som skal stå i fokus. 

Meir informasjon om "Pakkeforløp heim for pasientar med kreft"

Tilbodet er gratis.

Ta kontakt med kreftkoordinatoren på telefon eller e-post. Hugs å ikkje dele sensitiv informasjon på e-post.

Kontaktinformasjonen finn du nedst på denne sida.

Du treng ikkje tilvising frå lege eller anna helsepersonell for å få tilbod om kreftkoordinator. Du treng heller ikkje sende inn søknadsskjema. Kreftramma, pårørande og helsepersonell kan ta direkte kontakt med kreftkoordinator.

Nyttige lenker:

• Pakkeforløp heim for pasientar med kreft - pasientinformasjon - Helsedirektoratet
• Pakkeforløp heim for pasientar med kreft - Helsenorge
• Pasientforeiningar for dei som er råka av kreft- Kreftforeningen
• Råd og rettar - Kreftforeningen

Her kan du også finne god informasjon:

• Digitale tilbod for deg som bur i Midt-Noreg - Vardesenteret
• Montebellosenteret - Lær å leve med endringar som følge av kreft
• Unicare Røros - Unicare Helsepartner
• Seinskadar etter kreftbehandling blant vaksne - Kreftforeningen
• Seinskadar etter kreftbehandling hos barn og unge - Kreftforeningen
• Palliativ plan - Helse Møre og Romsdal (helse-mr.no)
• Pleiepengar i livets sluttfase - nav.no