Påmelding til SFO via foreldreportalen i Vigilo, https://www.vigilo.no/ulstein/.

Søknadsfristen er 15. april, men du kan også søke om plass for barnet ditt heile året.

Vi vil handsame søknaden din så snart fristen for påmelding er ute. Søknad gjennom året vert handsama etter kvart som dei kjem inn.

SFO er for barn frå 1.–4. -klasse. For elevar med særlege behov omfattar SFO også 5.–7. klasse. Ved stor søking vert dei yngste elevane prioriterte, og det vert loddtrekning blant dei eldste elevane.

• Det er SFO frå august til og med juni
• Den daglege opningstida varierer mellom skulane innanfor tidsramma 07.00–17.00

Tilsette ved skulefritidsordninga skal gi barna omsorg og tilsyn. Dei skal legge til rette for leik, kultur- og fritidsaktivitetar med utgangspunkt i alder, funksjonsnivå og interesser hos barna.

Barn med nedsett funksjonsevne skal gis gode utviklingsvilkår.

1. Gratis kjernetid 12 timar

Gratis 12 timar kjernetid per veke for elevar på 1.–3. trinn. Gratistimane vert fordelt som 2,4 timar frå skuleslutt måndag til fredag.

Matpengar kjem i tillegg (100 kroner).

2. Deltidsplass 12 timar

Dette gjeld barn på 4. trinn. Timane vert fordelt som 2,4 timar frå skuleslutt måndag til fredag. Pris 1 800 kroner. Matpengar kjem i tillegg (100 kroner).

3. Fulltidsplass

Dette gjeld barn på 1.-4.trinn. Fulltidsplass inkluderer morgon- og ettermiddagstilbod i heile SFO si opningstid.

• Pris: 1 800 kroner for 1.–3. trinn. Matpengar kjem i tillegg (100 kroner). 
• Pris: 3 600 kroner for 4. trinn. Matpengar kjem i tillegg (100 kroner).

Det er også mogleg å kjøpe ekstratimar innanfor SFO si ordinære opningstid. Dette kostar 100 kroner per time.

NB: Når du søker vil du få opp full pris, medan det på faktura vil vere full pris minus gratis kjernetid. 

• Alle prisar gjeld per månad. Du betalar for 11 månader i året (juli er betalingsfri).
• Hugs at du også kan søke om redusert foreldrebetaling og at Ulstein kommune har søskenmoderasjon dersom 2 eller 3 søsken brukar SFO.
• Dersom eit barn vert henta for seint, kostar dette 50 kroner per påbegynt halvtime. Frå 1. august 2025 vil prisen auke til 150 kroner per påbegynt time.

Vi vil handsame søknaden din så snart fristen for påmelding er ute. Søknad gjennom året vert handsama etter kvart som dei kjem inn.

Du takkar ja eller nei til plassen via Vigilo:

Logg på Vigilo, foreldreportal.

I ferien er det tilbod om SFO ved Ulsteinvik barneskule. Det gjeld også barn frå andre krinsar, dersom det er nok søkarar til ordninga.

Påmelding til ferie-SFO via Vigilo, i foreldreportalen eller Vigilo-appen. Føresette kryssar av for ferie-SFO eller ikkje, og deretter eventuelt kva dagar eleven skal vere på SFO i haust-, vinter- eller sommarferien.