Tekst og foto: Synnøve Haug, rektor Ulstein skule

7. klasse på Ulstein skule har delteke på Smart Ungt Entreprenørskap på Skaparhuset, i lag med Haddal skule. Programmet gjekk over tre dagar og elevane fekk i oppdrag å lage prototypar av eit produkt som kan gjere kvardagen enklare. Prototypane skulle lagast av materiale som elles vert kasta.

Elevane ved Ulstein skule laga robotar til å brette klede. Ei maskin til å lage kaffi slik at du vaknar til lukta om morgonen. Ein robot til å lage middag, denne roboten var styrt av Siri. Dei laga også ein aktivitetsapp der dei som deltek får ein premie på slutten av veka.

Elevane har vore kreative i tenking og utforming av dei ulike prototypane.

Denne gjengen har laga ein prototyp av ein robot som kan brette kleda dine. Synnøve Haug

Kva med å vakne opp til ferdig trakta kaffi? Synnøve Haug
Her har elevane laga ein aktivitetsapp som premierer deltakarane mot slutten av veka. Kanskje med ein sjokolade? Synnøve Haug