– Vi hadde eit gammalt og rote leikeapparat som vi vart nøydde til å fjerne. Då Idar Brekke frå Ulstein Eigedomsselskap kom og fortalde at vi skulle få nytt, vart vi jublande glade, fortel rektor Vibeke Vigestad Berge.

Nesten som 17. mai. Rektor Vibeke Vigestad Berge sikra seg ei pølse frå eit spandabelt eigedomsselskap. Janne-Marit Myklebust

I strålande sunnmørsvêr (regn, ja), vart det nye leikeapparatet feira med pølse- og kakefest på skulen i regi av eigedomsselskapet.

Kommunalsjef Karen Strand fekk æra av å vere snorklippar for det nye leikeapparatet ved Haddal skule. Janne-Marit Myklebust

Elevane ved skulen song vennskapslåten "Kom som du er" til alle frammøtte, før dei fekk springe og boltre seg i det nye apparatet.

Det varma med song på ein elles ganske kald og våt dag. Janne-Marit Myklebust

Både tilsette, elevråd og nokre av foreldra har fått vere med og seie sitt i prosessen, og rektor rosar det gode samarbeidet med Ulstein Eigedomsselskap.

Ho får eit unisong "JA!" frå elevane, når ho spør om dei er nøgde.

Idar Brekke frå Ulstein Eigedomsselskap KF har leia prosessen med nytt leikeapparat ved Haddal skule, og tok også ansvar som kakekuttar då dei hadde fest. Janne-Marit Myklebust

Berthe Baade Yksnøy har høg snittfart når ho silar ned frå det nye leikeapparatet.

– Det er veldig kjekt! Men kanskje litt farleg når det er vått, ler ho. 

– Då går det fort!

Fort er ofte det same som kjekt. I alle fall i ei silebane. Heldigvis har elevane mjukt underlag å lande på.

Berre blide fjes å sjå i det nye leikeapparatet. Kommunalsjef Karen Strand var freista til å prøve litt sjølv. Janne-Marit Myklebust

Full aktivitet! Janne-Marit Myklebust