Ulsteinvik Leif Ringstad

Ulstein kommune kjem best ut av alle kommunane i Møre og Romsdal med ein 28. plass i kommunebarometeret.

I Kommunal Rapport sitt siste kommunebarometer er det Trondheim kommune som toppar lista.

Best av kommunane i Møre og Romsdal er Ulstein, på ein 28. plass.

Stranda er rangert som nummer 31, medan Aukra (32), Sykkylven (52), Vanylven (61) og Volda (92) er inne på Topp 100 av dei 357 kommunane i Noreg.

Kommunebarometeret til Kommunal Rapport vurderer 12 sektorar i rangeringa si.

Ulstein kommune gjorde det best innan sektorane grunnskule (17. plass), helse og omsorg (57. plass) og kostnadsnivå (26. plass).

Ulstein høyrer til i kostragruppe EKG01, ei gruppe som består av 40 kommunar med innbyggartal mellom 2000 og 9999, låge bundne kostnadar og lågare frie disponible inntekter per innbyggar.

Ulstein gjorde det best av kommunane i denne kostragruppa.