F.v: Driftsleiar i Ulstein kommune Børre Dyrkorn, kommunalsjef Teknisk Arne Runar Vik, dagleg leiar Aurvoll&Furesund AS Eivind Berge og prosjektleiar Anne Hestflott Ulstein kommune/Ottar Håkonsholm

Ulstein kommune ved eigedomsavdelinga og teknisk etat, har inngått ny rammeavtale med Aurvoll & Furesund AS om levering av tenester innan graving og massetransport. 

Avtalen skal bidra til effektiv gjennomføring av mindre og større gravearbeid, transportoppdrag og vedlikehaldsprosjekt i kommunen.

– Vi er glade for å ha fått på plass ei rammeavtale med ein lokal og erfaren leverandør. Dette gir oss tilgang til nødvendig kapasitet og kompetanse når vi skal gjennomføre ulike prosjekt og oppdrag innan eigedomsforvaltning og kommunal infrastruktur, seier eigedomsleiar Ottar Håkonsholm etter at avtalen er signert.

Rammeavtalen gjeld for Ulstein kommune, Ulstein sokn og Ulstein Fjernvarme AS, og omfattar tenester knytte til graving og massetransport etter behov i avtaleperioden. 

- Ulstein kommune ser fram til eit godt samarbeid med Aurvoll & Furesund AS i åra som kjem.