Siste året har alle einingane med døgndrift i omsorgssektoren vore med i KS sitt læringsnettverk Tørn Kommune.  Vi har i dette arbeidet jobba med å optimalisere arbeidsdagane, og samstundes førebu oss på tida vi går inn i. Korleis kan vi sikre å ha nok menneskelege ressursar med rett kompetanse no når den demografiske utviklinga peikar på at det blir fleire eldre og færre yngre i yrkesaktiv alder i samfunnet vårt? 

Vi ønsker gode arbeidsdagar og vil yte gode tenester også i åra som kjem - det vil krevje at vi tilpassar og optimaliserer tenestene våre. 

Vi treng “rett kompetanse på rett stad til rett tid”. 

Vi har jobba tett saman med KS og andre kommunar dette året, og fått både gode innspel og verktøy - no held arbeidet fram i vår eiga kommune. Vi står i startgropa no på den mykje omtala “eldrebølga”, og vi tek med oss all innsikt og lærdom frå Tørn inn i det kontinuerlege arbeid så vi kan møte denne bølga på ein mest mogleg forsvarleg måte. 

Ulstein, vår kommune så kjær,  

her har vi utsikt til fjell og skjær.  

Knappe 9000 folk, vi tel kvar ein mann,  

og alle får plass i vår 300-metersplan.  

Sjukeheim, bustadar, dagsenter nær,  

omsorg og tryggleik – vi har det her.  

legesenter og leiligheiter, alt på rad og rekke,  

så tett at du din nabo enkelt kan vekke.   

Apotek og kafé, kyrkje og prat,  

her får du medisin og kaffelatte på fat.  

Effektiv drift? Jau, vi gjer det så godt,  

men korleis bli betre – utan å få det for vondt?  

KS og Tørn hjalp med mandat og prat  

Innspel og verktøy har dei servert på fat  

Rådgjevarane har med oss gått i takt,  

Vi jobbar mot målet om den gode vakt!  

Vi satsar på berekraft, ikkje berre prat,  

helsetenester som varer – det er vårt mandat.  

Med rette bemanningsplanar og årsturnus på gang,  

skal vi skape kvardagar som ikkje blir for trang.  

Med dugnadsånd og innovasjon i rygg,  

skal vi finne ressursar og gjere dei trygg.  

Arbeidsledige og dei som treng litt støtte,  

kan bli heltar i tenesta så fagpersonell ikkje blir trøtte!  

Ulstein – ein kommune med fellesskap og mot,  

her byggjer vi framtid med visdom og rot.  

Godt samarbeid mellom politikk, tilsette og administrasjon,  

Slik blir det mindre frustrasjon.