Ellen Kvalsund frå Sparebanken Møre og Eli Marte Fjørtoft i Ulstein kommune. Ulstein kommune

Over 40 deltakarar samla seg i biblioteket når Ellen Kvalsund frå Sparebanken Møre kom til SeniorTimen for å snakke om BankID og framtidsfullmakt. 

To tema som tydeleg engasjerte dei frammøtte deltakarane.

BankID: digital nøkkel

Kvalsund byrja SeniorTimen med å fortelje om BankID; eit viktig verktøy for ei rekke digitale tenester. 

– BankID er nøkkelen til mange tenester i kvardagen, alt frå nettbank til offentlege tenester, fortalte ho. Kvalsund kom med fleire råd om trygg bruk av BankID, om å forhindre svindel og om alternativa for dei som ikkje ønskjer å vere digitale. 

– Alle har rett til å vere ikkje-digitale, og banken tilbyr fleire alternativ.

Ellen Kvalsund forklarar meir om alternativa for dei som ikkje ønskjer å vere digitale. Ulstein kommune

Framtidsfullmakt

Neste team var framtidsfullmakt; kva gjer du om du ikkje lengre er i stand til å ta i vare dine eigne interesser i personlege eller økonomiske saker? Er det nokon du stolar på til å ta avgjerdene for deg?

- Ei framtidsfullmakt gir deg moglegheita til å bestemme dette på førehand, fortalte  Ellen Kvalsund, og snakka meir om kva ei framtidsfullmakt er, kvifor det kan vere lurt å opprette ei, og kva du bør tenkje gjennom før du gjer det. 

Dette hadde tydelegvis fleire av deltakarane tenkt over, og kom med gode og relevante spørsmål til temaet. 

- Fleire og fleire er med

Det har kome fleire og fleire deltakarar på datakurset SeniorSurf og informasjonsmøta i SeniorTimen, noko prosjektkoordinator i Ulstein kommune, Eli Marte Fjørtoft, er svært glad for. 

- Det er tydeleg at det er behov for digital opplæring, spesielt ser vi at det er aukande deltaking både på datakursa SeniorSurf og informasjonsmøta SeniorTimen. I tillegg ser vi ei stor auke i deltakarar på Senior Stikk Innom, der deltakarar kan kome tysdag og torsdagar kl 12-15 og få ein-til-ein rettleiing på biblioteket, fortel ho.

Komande torsdag er det nytt datakurs i SeniorSurf, der tema er betalingsappen Vipps og reiseappen Entur.

Det var over 40 deltakarar på SeniorTimen, noko som er ny rekord. Ulstein kommune