Barnehage Pexels

Føremålet med forskrifta som no er sendt på høyring, er å er å fastsette årlege tilskotssatsar til private barnehagar i kommunen for å sikre ei likeverdig og føreseieleg finansiering av private barnehagar, jf. barnehagelova § 19.

Endringane i Lov om barnehagar og tilhøyrande nasjonalt regelverk, pålegg no kommunane å fastsetje tilskotssatsar for private barnehagar i lokal forskrift frå og med berekninga i 2026 for tilskotsåret 2027.

Høyringsfristen er sett til 18. august 2026.

Her kan du gi ditt høyringssvar

Ulstein kommune sender ny forskrift ut på høyring for å:

• sikre openheit og medverknad
• gi partane høve til å uttale seg om innhaldet i forskrifta
• bidra til eit best mogleg og rettsleg haldbart grunnlag for endeleg vedtak

Her kan du lese forslaget til lokal forskrift (PDF, 84 kB)

Gjennom høyringa ønsker Ulstein kommune særleg svar knytte til:

• om forskrifta gir tilstrekkeleg tydelege rammer for fastsetjing av tilskot
• om skildringa av grunntilskot og ekstra grunntilskot er klar og forståeleg
• om forskrifta bidreg til føreseieleg og likebehandling
• eventuelle behov for presiseringar innanfor rammene av nasjonalt regelverk