Kvifor har vi ein alkoholpolitisk handlingsplan på høyring?
Kommunane har eit ansvar for å utforme sin eigen lokale alkoholpolitikk, innanfor alkohollova sine rammer. Som ein konsekvens av dette pliktar kommunen å utarbeide ein alkoholpolitisk handlingsplan, jf. alkohollova § 1-7d.
Eksisterande plan går ut i 2024 og ny plan må vedtakast før kommunestyret skal ta stilling til val av fornyingsprosess for gjeldande sals- og skjenkeløyve i kommunen.
Gitte løyver løper maksimalt til 30. september året etter at nytt kommunestyre har tilrådt, jf. alkohollova § 1-6. Kommunestyret har då høve til å påverke korleis alkohol- og løyvepolitikken skal vere dei neste fire åra.
Utkast til ny alkoholpolitisk handlingsplan er omtalt i saksframlegget og kommunedirektøren ber om at utkastet vert sendt på høyring.
Kommunedirektøren ber vidare om at varigheita til eksisterande sals- og skjenkeløyve i kommunen vert klårgjort. Det vert føreslått at gjeldande løyver løper til 30. september i år, i tråd med hovudregelen i alkohollova.
Ved inngangen til ny løyveperiode har kommunen mogelegheit til å vedta at løyva ikkje skal opphøyre, men løpe vidare for ei periode på inntil fire år etter ein gjennomgang av alkoholpolitikken i kommunen. Kommunedirektøren vil i saksframlegget gjere greie for kva fornyingsprosess ein truleg vil føreslå i samband med den endelege vedtakinga av alkoholpolitisk handlingsplan.
Saksdokument
- Utkast - Alkoholpolitisk handlingsplan 2024-2028 (PDF, 6 MB)
- Vedtak og saksframlegg (PDF, 5 MB)
- Brev frå Helsedirektoratet - sal av alkohol frå sjølvbetente kasser og butikkar (PDF, 853 kB)
- E-post frå Helsedirektoratet - skjenking og universell utforming (PDF, 77 kB)
- Universell utforming og skjenkebevilling - brev datert 11.03.2021 (PDF, 112 kB)
- Statsforvaltaren i Agder - lovlegheitskontroll minstelønn (PDF, 335 kB)
- Alkoholpolitisk handlingsplan 2020-2024 (PDF, 6 MB)
- Krav om allmenngjort lønn ved tildeling av skjenkebevilling - til kommunar (PDF, 503 kB)
- Svar på førespurnad om tarifflønn og alkohollova (PDF, 352 kB)
Frist og adresse
Høyringsfristen er 8. april 2024.
Eventuelle merknadar til utkastet kan du sende inn slik:
Merk svaret ditt «Alkoholpolitisk handlingsplan» og saksnummer 23/1680.