Tekst: Ann Christin Bonde Helliksen

Leiar i barnehagen, Nora Wingsternes hadde pynta seg ekstra fint denne dagen, med sølvhatt, stjernebriller, bursdagsslips og klikk-klakk gullsko. 

Leiar i Sundgotmarka barnehage, Nora Wingsternes hadde pynta seg ekstra for bursdagsfeiringa. Ann Christin Bonde Helliksen.

Etter ein høgtidleg opningsseremoni intorduserte Nora forestillinga "Den gåtefulle vegen til den hemmelege staden" - ei gåve med Teaterkompaniet Grep.

Framsyninga handlar om sommarfuglen Nalle og marihøna Nille som bur nede i skogbotnen. Ein tidleg vårdag vaknar dei frå vinterdvalen sin og bestemmer seg for å reise til den hemmelege staden for å bade.  Det vart ei morosam og lærerik reise om ulike vårteikn.

Sommarfuglen Nalle i skogbotnen. Ann Christin Bonde Helliksen.

Ungane fekk ta aktivt del i forestillinga, og var med på å løyse oppgåver, hjelpe til og bidra inn i handlinga. Dei fekk synge mange av vårsongane dei kjenner frå før.

Dei små vart så engasjerte at meteren som var mellom scena og barna då framsyninga starta, var heilt vekke. Då siste scene fann stad, fekk små og store med stor glede kjenne dråpar frå badevatnet til Nalle og Nille i andletet. Det gav frydefulle hvin og mykje latter!

Marihøna Nille. Ann Christin Bonde Helliksen

Storfint besøk

Så kom sjølvaste ordføraren, og god venn av barnehagen, Knut Erik Engh på besøk og gav bursdagsblomster til barnehagen. Han fekk også vise fram sitt vakre og glinsande "slips, heilt på høgde med Nora sitt.

Med like fine "slips". Ordførar Knut Erik Engh og barnehageleiar i Sundgotmarka, Nora Wingsternes. Ann Christin Bonde Helliksen

Og etterpå var det dans... eller, det vart i alle fall arrangert mange ulike aktivitetar for barna, både inne og ute, før det vart servert fiskeburger og kake til lunsj.

Nokre stikkord: hoppeslott, hinderløype, ansiktsmaling, fiskedam, såpebobler, bowling, skileik, følekasse, snøleik, klatring og måling av snø. Bilda får fortelle resten av historia.

Kjekt med hoppeslott i barnehagen. Ann Christin Bonde Helliksen

Spennande med tunnel. Ann Christin Bonde Helliksen

Såpeboblemoro. Ann Christin Bonde Helliksen

God lunsj! Ann Christin Bonde Helliksen