Her er lånereglane og serviceerklæringa til Ulstein bibliotek.
Lånereglar
- Det er gratis å låne.
- Alle som har fast adresse kan få lånekort. Ta med legitimasjon. Barn må vere over 6 år for å få lånekort. Meld frå om adresseendring eler tap av lånekort. Hugs å ta med lånekortet når du skal låne.
- Lånetida for bøker, tidsskrift, lydbøker og språkkurs er 4 veker. Lånetid for film er 1 veke.
- For å sikre sirkulasjon er det viktig å halde lånefristen, eller fornye lånet. Lån kan fornyast om ingen andre står på venteliste.
- Har du ikkje levert inn lånt materiell etter 3.purring, får du tilsendt erstatningskrav. Dersom materialet vert levert tilbake innan ei veke etter kravet, kan du sjå vekk frå det.
- Filmane er berre til privat bruk. Lånar kan ikkje vere under den tilrådde aldersgrensa for filmen.
- Materiell som er utlånt, kan reserverast. Materiell vi ikkje har, kan som regel lånast frå andre bibliotek.
- Tapt eller øydelagt materiell må erstattast.
Serviceerklæring
Tilgjengeleg ~ imøtekomande ~ kompetent
Vi har som mål å sette brukaren først og sikre gode bibliotektenester uansett kva bibliotek brukaren vender seg til.
Du kan forvente at:
- Du vert møtt med respekt og konfidensiell behandling av eit kompetent personale.
- Alle tenester er gratis for alle.
- Kostnadar kan forekomme for ved for sein innlevering og tilleggstenester som kopiering.
- Biblioteket skal halde seg oppdatert innan relevante medier.
- Du får umiddelbar hjelp til å finne informasjonen du treng. Svar på omfattande eller avanserte spørsmål får du seinast innan fem arbeidsdagar.
- Du får tilgang til døgnopne katalogar og ”Mine sider” lokalt, regionalt og nasjonalt.
- Du kan søkje, bestille, hente og levere materiell i det biblioteket som høver best for deg.
- Vi også skaffar tilgjengeleg materiell frå andre bibliotek for deg.
- Vi tilbyr trådlaus tilgang til Internett, kopi- og utskriftsmulegheiter.
- Vi er opne for forslag til både mediekjøp og betring av våre tenester.
- Tenesta er regulert av Lov om folkebibliotek
Biblioteket forventar at du:
- Gjer deg kjent med utlånsreglane ovanfor.
Sist endra 02.09.2022 14:22