Bokbad med Øystein Orten, torsdag 7.desember, kl. 19

I dette arrangementet samtalar Øystein Orten med Liv Osnes Dalbakken om boka “Den bortkomne”, som han ga ut i haust.
Det vert høgtlesing frå boka og song ved trubaduren Tormod Engen.

Øystein Orten, frå Hareid,  kom i haust ut med denne romanen som er den 15. boka han gir ut.

Dette skriv Samlaget om boka:

"Ein lærar vender uventa tilbake til heimbygda, og gamle venner og naboar byrjar å stusse: Kva gjer den dedikerte undervisaren heime no, midt i skuleåret? Og kvifor har den elles så opne og omgjengelege karen slått av ljosa og trekt for gardinene?
Permisjon, er svaret hans. Han har teke seg ein aldri så liten ferie.
Mens læraren vandrar kvilelaust rundt på golva i barndomsheimen og stadig vender tilbake til eiga fortid for å forstå situasjonen han er i, grev Nemnda seg djupare og djupare ned i livet hans. Kva har han eigentleg sagt i klasserommet? Korleis har han kommunisert med elevane? Og ikkje minst: Kva skjedde mellom han og 16-åringen Embla på det grupperommet?
Den bortkomne er ein klaustrofobisk og fleirtydig roman om minne, skuldingar og lærarens utsette rolle."

Arrangementet er gratis og ope for alle.