Slik går du fram:

1. Bestill prøvingsattest med skattetaten. For å inngå ekteskap i Noreg, må staten fyrst gjennomføre ei prøving av ekteskapsvilkåra. Dette vert utført av folkeregisteret ved ditt regionale skattekontor. Der vil du få ein prøvingsattest som er gyldig i fire månader, dersom vilkåra er oppfylt. Bestilling av prøvingsattest gjer du på skatteetaten.no
2. Bestill vigsledato med kommunen. Det gjere du via dette søknadsskjemaet, i god tid og minst 7 dagar før ønska vigsledato. (Til tidlegare til betre med tanke på å reservere datoen).
3. Send inn prøvingsattesten (som du får med skattetaten) til kommunen, som vedlegg i søknadskjemaet.

Prøvingsattesten: Korleis ordnar eg med nødvendige papir?

For at staten skal gjennomføre prøving av ekteskapet, må du sende inn både eigenerklæring og forlovarerklæring til ditt lokale skattekontor.  

For å gjere denne prosessen enklare har Skatteetaten laga ein god hjelpar i Vegen til ekteskapet steg for steg. Her får du stegvis innføring i prossesen for korleis ein inngår ekteskap i Noreg.

Borgarleg vigsel

Det er mogleg å gifte seg borgarleg i kommunen. I Ulstein er det ordførar og varaordførar som har mynde til å utføre vigsle. Alle som ønskjer det, er velkomne til å gifte seg i Ulstein kommune. 

Vigsel skjer etter skrifteleg søknad og avtale på Ulstein rådhus, mellom klokka 08.00–16.00 på kvardagar. Ordførarkontoret nyttast dersom brudefølget er 10 personar, eller mindre, under sjølve vigselseremonien.

Bestill borgarleg vigsle i skjema under:

Søknadskjema

Oppmøte

Brudeparet, vitne og gjestar bør møte opp 10 minutt før avtalt tid og oppmøtestad. Det skal vere to vitne til stades under seremonien. Med mindre anna er avtalt, må brudeparet syte for at vitne er til stades for å signere prøvingsattesten.

NB: Vigslaren pliktar å kontrollere brudeparet sin identitet før seremonien, så hugs å ta med gyldig legitimasjon (pass,  id- kort eller førarkort).

Seremonien

Sjølve seremonien tek om lag 15 minutt. Meld frå om de ønskjer innslag, som til dømes musikk eller opplesing, under seremonien. Søknadsskjemaet har eige utfyllingsfelt for det.     

Seremonien vert avslutta ved at brudeparet, vitna og vigslaren signerer prøvingsattesten, som skal sendast til folkeregisteret.

Etter vigslinga vil brudeparet få tilsendt ein mellombels vigsleattest frå kommunen. Den vert også sendt til folkeregisteret saman med den signert prøvingsattesten. Folkeregisteret utferdar endeleg vigsleattest.

Om du skal skifte etter- eller mellomnamn i høve giftarmålet må du hugse å søke om namneendring. Hugs at ved namneendring må du oppdatere legitimasjon som t.d. bank-ID, bankkort, førarkort og pass:

• Søke namneendring. 
• Pass og ID-kort ordnar du ved næraste politistasjon
• Førarkort kan du oppdatere ved t.d. Ørsta trafikkstasjon
• Bank-ID og bankkort ordnar du med din private bank

Aktivitetshuset Vikholmen (livssynsnøytralt seremonirom)

Nasjonalt tolkeregister 

Skatteetaten sine nettsider

Politiet i ditt distrikt

Endring av namn - Skatteetaten