Dersom du ønskjer å starte ein serveringsstad og ønskjer å skjenke alkohol treng du serverings- og skjenkeløyve.

Dersom du allereie har serveringsløyve søkjer du berre om skjenkeløyve.

Dersom du overtek ein eksisterande serverings- og skjenkestad skal du søkje om nytt løyve innan 30 dagar.

Alkohollova og serveringslova stiller krav om uklanderleg vandel.

Dagleg leiar må ha etablerarprøva.

Styrar for skjenkeløyvet og vara for styrar må ha kunnskapsprøva for skjenkeløyve, vere over 20 år og vere tilsett eller arbeide på skjenkestaden i kraft av eigarstilling.

Søknadsskjema: serverings- og skjenkeløyve

I søknaden skal du skildre konsept og lokalisasjon.

Vedlegg som må følge søknaden

• Kunnskapsprøve for styrar for skjenkeløyvet og vara for styrar
• Etablerarprøva for dagleg leiar
• Stadfesting på lovleg åtkomst til lokalet og uteareal
• Styrar og vara for styrar må vere over 20 år
• Dokumentasjon på at styrar og vara for styrar er tilsett i verksemda eller arbeider der i kraft av eigarstilling
• Dokumentasjon på eigarforhold
• Aksjeselskap skal sende aksjeeigarbok (ikkje eldre enn 6 månader]
• Planteikning der skjenkearealet inne og ute er tydleg skravert
• Stadfesting på tilgjengelegheita i heile lokalet for menneske med nedsett funksjonsevne
• Stadfesting på at søkjar oppfyller krava i «Forskrift om delvis allmenngjøring av tariffavtale for overnattings-, serverings- og cateringvirksomhet»
• Kopi av overdragingsavtale ved eigarskifte

Kommunen kan setje vilkår for utøving av løyvet.

Søknad om skjenkeløyve vert behandla innan fire månader frå fullstendig søknad er innkome.

Søknaden vert sendt på høyring til Skatteetaten og Møre og Romsdal politidistrikt.

Dersom høyringsinstansane har merknader kan det ta lengre tid.

• Alkohol - Helsedirektoratet
• Alkoholpolitisk handlingsplan 2024–2028 (adobe.com)