Faste tilbod

• Ungdomsklubb for 8.klasse -18 år
• MOT-klubb for 6-7.klasse

Følg Facebook-sida til Bell Ungdomsklubb for å få med deg kva som skjer av aktivitetar og arrangement.

Aktivitetar

Bell ungdomsklubb er ein uformell møteplass der du kan få vist fram dine talent, og også berre vere utan krav. Her kan du møte venner og bli kjent med nye ungdommar.

Ungdommane er med å bestemme kva som skjer av aktivitetar og arrangement. Vi har ofte hatt glowparty, turneringar i bordtennis, air hockey og biljard. Det er også moglegheiter for ulike brettspel og Play Station 4 med ulike spel. Vi har VR-briller og bilstolar med ratt.

Ungdomsklubben har også kafè med open kiosk.

Ungdomsarbeidar og crew

Leiar ved klubben er ungdomsarbeidar Marie Flatin. Det er alltid minimum to vaksne på jobb klubbkveldane. Bell har også eit ungdomscrew med frivillige, som saman med dei vaksne jobbar for ein trygg og kjekk stad å vere der alle blir inkludert.

Bell - ein MOT-klubb

Ulstein er «Lokalsamfunn med MOT» og ungdomsarbeidaren er MOT-koordinator i kommunen. På Bell får ungdom møte MOT sine grunnverdiar – Mot til å leve, å bry seg og seie nei. I samarbeid med Ung MOTivator vert det jamnt arrangert MOT-kveldar på ungdomsklubben.

Følg gjerne Facebook-sida til MOT i Ulstein : https://www.facebook.com/UlsteinLokalsamfunnMedMot

Ung i Ulstein/Ung Arena

Bell Ungdomsklubb er ein del av «Ung Arena Ulstein» og arrangerer «Open hall» med ulike aktivitetar minst ein kveld per månad. Kvar måndag er det ope gamingrom på Ulstein Arena.

Følg https://www.facebook.com/ungarenaulstein for meir informasjon.