Timebestilling
Du bestiller time her: Timebestilling Helseboka
Dersom du treng hjelp til timebestilling, så kan du ringe: 488 95 043
I konsultasjonen går vi gjennom vaksinestatusen din, helseopplysningar og eventuelle reiseplanar for å gi tilpassa anbefalingar.
Avbestilling eller endring av time kan gjerast i Helseboka.
Opningstider og kontaktinformasjon
Vaksinering skjer kvar onsdag kl 13-15.30 ved Ulstein helsestasjon, Reiten 20.
Kontakt: 488 95 043
E-post: ann.iren.brautaset@ulstein.kommune.no
Vaksinar for vaksne
Influensavaksine
Influensavaksinen blir anbefalt kvart år til eldre og personar i risikogrupper. Vaksinen blir tilbydd i vinterhalvåret. På hausten tilbyr vi massevaksinering på fastsette datoar, og vidare ved timebestilling ut over vinteren.
Pris for influensavaksine er kr 301.
Kven bør ta influensavaksine?
Koronavaksine
Koronavaksinen blir anbefalt til eldre og risikogrupper, og vaksinen bør takast før haust-/vintersesongen kvart år. På hausten tilbyr vi massevaksinering på fastsette datoar. Koronavaksinen er tilgjengeleg heile året.
Pris for vaksinen er kr 110.
Kven bør ta koronavaksine?
Oppfriskingsvaksine mot difteri, stivkrampe, kikhoste og poliomyelitt
Gjennom det norske barnevaksinasjonsprogrammet får ein tilbod om denne vaksinen i 2. og 10. klasse. Folkehelseinstituttet anbefaler påfyll av vaksinen omlag kvart tiande år. Anbefalinga gjeld alle vaksne, ikkje berre dei som skal på utanlandsreise.
Sjå prisliste for meir informasjon.
Kven bør ta oppfriskingsvaksine?
RS-vaksine
Infeksjon med respiratorisk syncytialt virus (RS-virus) er ei hyppig årsak til nedre lufveginfeksjon hos spedbarn og småbarn, men også vaksne kan bli ramma av RS-virus. Det finnes ingen vaksine mot RS-virus for barn, men infeksjon kan førebyggast ved å gi mor vaksine i svangerskapet.
Sjå prisliste for meir informasjon.
Kven kan ta vaksine mot RS-virus?
Vi tilbyr vaksine mot RS-virus for vaksne over 60 år med underliggande sjukdom, og gravide i veke 24-36.
Pneumokokkvaksine
Vaksinen beskyttar mot pneumokokkbakterien, som kan forårsake lungebetennelse, blodforgifting og hjernehinnebetennelse. Pneumokokkvaksinen er innlemma i det nasjonale vaksenvaksinasjonsprogrammet: Vaksinar til vaksne - FHI
Sjå prisliste for meir informasjon.
Kven bør ta pneumokokkvaksine?
Kven får vaksinen gratis i 2026?
Kva type vaksinar tilbyr Ulstein kommune mot pneumokkbakterien?
Vi tilbyr to ulike vaksinar, der Prevenar 20 gir livslang beskyttelse medan Pneumovax varer i seks år. Det er Prevenar 20 som er ein del av voksensvaksinasjonsprogrammet.
Vaksine mot helvetesild
Helvetesild (herpes zoster) kjem av det same viruset som vannkoppar, og sjukdomen kan gi store smerter i hud hos dei som blir råka. Ulstein helsestasjonen tilbyr no vaksine mot helvetesild. Det er tilrådd med to doser, og oppgitt pris er per dose.
Sjå prisliste for meir informasjon.
Kva er helvetesild?
Helvetesild kjem frå det same viruset som vannkoppar Etter at ein har hatt vannkoppar vil viruset trekke seg tilbake og bli verande i nervecellene. Hos eldre og dei med svekka immunforsvar kan viruset spre seg langs nerven igjen og ende i huda. Dette kan gi store smerter. Les meir om sjukdomen her: Helvetesild - Helsenorge
Kven kan ta vaksine mot helvetesild?
Vaksinen er ikkje per i dag ein del av det nasjonale vaksinasjonsprogrammet for vaksne. Vaksinen har vist å redusere sjansen for helvetesild for dei over 50 år.
Reisevaksinasjon
Dersom du skal reise til land med risiko for tropesjukdommar eller andre smittsame sjukdommar, rår vi til at du bestiller time minst fire veker før avreise. I konsultasjonen går vi gjennom vaksinestatusen din og relevante helseopplysningar. Ved bestilling av reisevaksinasjon ber vi deg oppgi reisemål, slik at vi kan vurdere kva vaksinar som er anbefalte eller påkravde. Du betaler for både konsultasjon og dei enkelte vaksinane. Ved bestilling må du fylle ut eigenerklæringsskjema knytt til reisa di.
Sjå prisliste for meir informasjon. Merk at det er ulik pris for individuell konsultasjon og familiar.
Bestill konsultasjonstime her: Time til reisevaksinasjon
Pris og eigenbetaling
Pris for vaksinar er fastsett av Helsedirektoratet. Hos oss betaler du kostpris for vaksine i tillegg til eit administrasjonsgebyr, eventuelt ein konsultasjonspris ved reisevaksinering. Merk at oppgitt pris i tabellen er per dose.
Oppdatert prisliste per 19. mars 2026.
MERK: Vaksine mot rabies er utilgjengeleg per 19. mars 2026 på grunn av stor pågang nasjonalt. Vi oppdaterer heimesida når den igjen blir tilgjengeleg.
Barne- og skulevaksinar
Barn under skulealder blir vaksinert gjennom helsestasjonen.
Skuleelevar får vaksiner gjennom skulehelsetenesta.
Les meir om barnevaksinasjonsprogrammet her: Barnevaksinasjonsprogrammet - Helsenorge
I høve reisevaksinasjon eller spørsmål om vaksinar utanom Barnevaksinasjonsprogrammet, ta kontakt med vaksinasjonskontoret.
Har du spørsmål?
Vaksinasjonskontoret kan hjelpe deg med informasjon om vaksinar, reise, anbefalingar og helseråd.
Kontakt: 488 95 043
E-post: ann.iren.brautaset@ulstein.kommune.no