Personar som har behov for praktisk hjelp til husarbeid på grunn av sjukdom, funksjonsnedsetting, manglande nettverk eller andre årsaker kan få heimehjelp.

Personar med omfattande hjelpebehov og/eller dårleg buevne vert prioritert. 

Betalingssatsar for heimehjelp/praktisk bistand er basert på husstanden si samla inntektsgrense som følgjer Grunnbeløpet (G) i Folketrygda, dvs. husstanden si netto likning før særfrådrag.

1G = 130 160 kroner per 01.05.2025. 

Det skal betalast timesats for enkelttimar før ein går over på abonnementsordning.

Abonnementsprisen er basert på husstanden si samla inntekt med inntektsgrenser som følger grunnbeløpet (G) i folketrygda, dvs. husstanden si netto likning før særfrådrag.

Grunnbeløpet vert regulert 1. mai kvart år.

Abonnementet vert regulert 1. januar kvart år.

Informasjon om grunnbeløpet (G) i folketrygda.

Kommunen har plikt til å behandle søknaden din så snart som mogleg. Dersom det ikkje vert avgjort innan 4 veker skal du ha skriftleg melding om dette, med opplysningar om når du kan vente at det vert gjort vedtak i saka.

Vi nyttar ressursorientert saksbehandling. Det vil seie at vi er opptekne av kva innbyggarar klarer sjølve, kva pårørande og anna nettverk kan hjelpe til med, og kva omsorgsetaten kan bidra med. Dette får vi til gjennom samarbeid og dialog med kvarandre, der målet er at innbyggarar med hjelpebehov, skal kunne leve eit mest mogleg sjølvstendig liv.

Vurdering

Vi kartlegg behovet ditt for tenester.

Saksbehandlar vil kontakte deg for å snakke med deg om søknaden og avtale eit heimebesøk dersom det vert vurdert som naudsynt.

Når det vert gjort vedtak i saka vil det gå fram om du har fått tildelt tenesta eller ikkje, og kva tenesta omfattar. Du vil også få ei grunngiving for vedtaket.

Dersom du ikkje er nøgd med vedtaket kan du klage til kommunen innan fire veker frå du fekk vedtaket. 

Forklar kva du er misfornøgd med og kvifor du meiner at vedtaket bør endrast. Kommunen pliktar då å ta ei ny vurdering.

Vert avgjerda ståande, vert saka sendt vidare til Statsforvaltaren. Dette får du melding om.

Send klaga di til

Ulstein kommune v/kommunalsjef helse og omsorg, postboks 143, 6067 Ulsteinvik.

• Vanleg tildelingspraksis er heimehjelp kvar 4. veke
• Vi utfører reinhald av primært bad/toalett, kjøkken, stove og soverom
• Vi utfører ikkje hovudreinhald (nedvask) og vask av vindauge
• Vi utfører ikkje hagearbeid, vedlikehaldsarbeid eller snømoking

• At vi har synleg legitimasjon
• At vi utfører tenesta slik det er skildra i vedtaket
• At du får beskjed dersom vi må avlyse
• At vi gjer vårt beste for å kome til avtalt dag

• At du behandlar personalet med respekt
• At du er heime når vi kjem
• At du eller pårørande utfører husarbeid som du/de klarer sjølv
• At du har synleg namn og nummer på bustaden din
• At du gir beskjed i god tid om du ikkje treng hjelp eller er vekkreist
• At du luftar godt inne om du røyker, og at du ikkje røyker rett før vi kjem
• At du gir tilbakemelding om behovet ditt endrar seg