Pasientar frå sjukehus eller heim som treng opphald for rehabilitering, utgreiing eller behandling, og pasientar som treng lindring ved livets slutt, kan få tilbod om korttidsplass. 

Ved korttidsopphald over 60 døgn i eit kalenderår vert betaling for opphaldet rekna ut etter reglar om eigenbetaling for langtidsopphald. Fribeløp 10 950 kroner. Kommunalsjef kan i særskilte høve gjere unntak frå betalingsreglane.

Søknader vert behandla så snart som råd, av eit tiltaksteam som har møte kvar veke. Du får skriftleg melding om vedtak. Bur du heime og søker om korttidsopphald, kan det vere nødvendig med ein kartleggingssamtale.

Vi nyttar ressursorientert saksbehandling. Det vil seie at vi er opptekne av kva innbyggarar klarer sjølve, kva pårørande og anna nettverk kan hjelpe til med, og kva omsorgsetaten kan bidra med. Dette får vi til gjennom samarbeid og dialog med kvarandre, der målet er at innbyggarar med hjelpebehov, skal kunne leve eit mest mogleg sjølvstendig liv.

Dersom du ikkje er nøgd med vedtaket kan du klage til kommunen innan fire veker frå du fekk vedtaket. 

Forklar kva du er misfornøgd med og kvifor du meiner at vedtaket bør endrast. Kommunen pliktar då å ta ei ny vurdering.

Vert avgjerda ståande, vert saka sendt vidare til Statsforvaltaren. Dette får du melding om.

Send klaga di til

Ulstein kommune v/kommunalsjef helse og omsorg, postboks 143, 6067 Ulsteinvik.