Oppmodinga er likevel den same, sjølv om farevarselet no er litt nedjustert: hald deg inne om du kan.

Det er venta lokalt ekstreme vindkast på 35-42 m/s frå sør seinare sørvest, og sterk storm på kysten og orkan ved Stad. Vinden vil auke først ved Stad, og minke sist på Nordmøre.

– Ikkje trygt å vere ute, seier meteorologane. 

Les meir om varselet her: Ekstremværet “Ingunn” gir ekstremt kraftige vindkast i deler av Møre og Romsdal, Trøndelag og Helgeland (met.no)

Farevareselet er nedjustert til oransje og gult på Sunnmøre. Meteorologisk institutt

Råd

• hald deg inne
• følg råd frå beredskapsmynde
• om du MÅ køyre, følg råd frå Statens vegvesen og sjekk vegmeldingar (www.175.no)
• følg råd og sjekk status frå transportaktørar
• gjer heimen klar for eit potensielt lengre straumbrot
• ver forsiktig om du ferdast i strandsona eller på sjøen
• vurder tiltak for å avgrense skade

Konsekvensar

• det er farleg å vere ute, og det er venta uvanleg stor skade på bygningar, infrastruktur, skog og straumnett
• stor fare for innstilte flyavgangar, båtar og anna transport
• bruer kan verte stengde
• takstein og takplater kan blåse av hus og bygningar
• du må vente svært mykje lenger reisetid
• straumforsyninga lokalt kan verte påverka
• mange vegar kan verte stengde på grunn av tre eller andre objekt i vegbana
• snøfokk i fjellet gir redusert sikt
• du kan vente kolonnekøyring og/eller stengde vegar
• høge bølger kan gi skade på infrastruktur og bygningar i strandsona