Alkoholpolitisk handlingsplan inneheld regelverk for Ulstein kommune sin alkoholpolitikk. Denne politikken har fire målsettingar for Ulstein kommune sin løyvepolitikk i perioden 2024-2028:

• redusere skadane som alkoholbruk kan medføre
• vareta innbyggarane i kommunen sitt behov for tryggheit og trivsel
• sikre like konkurransevilkår og forsvarleg drift
• aktivt bidra til eit førebyggande arbeid

Ulstein kommunestyre vedtok alkoholpolitisk handlingsplan 2024-2028 i kommunestyremøtet 30. mai 2024.

Handlingsplanen oppdaterast kvart fjerde år.

• Alkoholpolitisk handlingsplan 2024-2028

Føremålet med lova er i størst mogleg grad å avgrense dei samfunnsmessige og individuelle skadar som alkoholbruk kan innebere. Lova skal også fremje næringspolitiske føremål, som føreseielegheit, lojal konkurranse, samt å kjempe mot kriminalitetsutviklinga i delar av bransjen.

• Lovdata: Lov om omsetning av alkoholhaldig drikk m.v. (alkohollova)

Alkoholforskrifta er gitt i medhald av alkohollova. Forskrifta inneheld reglar om utøvinga av sals- eller skjenkeløyve, og reglar for tildeling av prikkar og inndraging av løyve ved brot på alkohollova.

• Lovdata: Forskrift om omsetning av alkoholhaldig drikk m.v. (alkoholforskrifta)

Føremålet med lova er å sikre forsvarleg drift av serveringsstadar. Lova skal, gjennom å vareta serveringsnæringa, dei tilsette og samfunnet sitt behov for klare og føreseielege vilkår, bidra til å gi kommunane eit meir anvendeleg og praktiserbart verktøy for å kjempe mot kriminalitetsutviklinga i enkelte delar av serveringsbransjen, og motverke illojal konkurranse.

• Lovdata: Lov om serveringsverksemd (serveringslova)

Forskrifta skal sikre god dokumentasjon av all omsetning i serveringsverksemder i restaurantbransjen, og bidra til at all omsetning og uttak bokførast, vert skattelagt og avgiftsbereknast korrekt.

• Lovdata: Forskrift om bokføring

Alle sals- og skjenkestadar må ha eit system og rutinar for å sikre at alkoholregelverket vert overhalde. God internkontroll gir enklare drift, tryggare tilsette og fornøgde gjestar.

• Her er Helsedirektoratet sin guide til god interkontroll etter alkohollova.

Kommunen skal kontrollere alle sals- og skjenkestadar for å sikre at det ikkje skjer brot på regelverket eller vilkåra i løyvet, jamfør alkoholforskrifta kapittel 9. 

Dersom løyvehavar ikkje har oppfylt pliktene sine etter alkohollova, alkoholforskrifta eller løyvevedtaket, pliktar det kommunen å reagere. Kva reaksjonar som vert gitt finn du i kapittel 8 i Alkoholpolitisk handlingsplan for Ulstein kommune (8.1 Prikktildeling og 8.1.1 Inndraging).

Føresegnene om prikktildeling og inndraging i § 10-2 til § 10-6 gjeld der kontroll gjennomført i medhald til kapittel 9 i denne forskrifta eller rapport frå andre mynde avdekker at innehavar av kommunal sals- eller skjenkeløyve ikkje har oppfylt pliktene sine etter alkohollova, føresegner gitt i medhald av alkohollova, føresegner i lov eller i medhald av lov som har samanheng med alkohollova sitt føremål, eller plikter som følger av vilkår i løyvevedtaket.

• Lovdata: Forskrift om prikktildeling og inndraging

Salstidene for alkohol i butikk kjem fram i Ulstein kommune sin alkoholpolitiske handlingsplan kapittel 5.1.3.

• Kvardagar: klokka 09.00-20.00
• Laurdag og dagar før heilagdagar: klokka 09.00-18.00
• Dagen før Kristi Himmelfartsdag: klokka 09.00-20.00

Det er lov å selje alkohol på valdagen (kommunestyre-, fylkes- og stortingsval).

Vara skal vere betalt innanfor salstida.

Utlevering av alkohol må finne stad innanfor fastsette tider for sal i kommunen.

Det er i skjenkeløyvet ditt bestemt kva skjenketid som gjeld. I alkoholpolitisk handlingsplan går det fram at skjenketidene skal vere innanfor desse tidene:

For skjenkestadar som ligg utanfor tettstadsområde, og på stadar der naboar ikkje vert sjenert, kan skjenketida ute setjast lik skjenketida inne.

Konsum av alkoholhaldig drikke må opphøyre seinast 30 minutt etter at skjenketida har gått ut. I uteareal skal alkoholhaldig drikke takast med inn i skjenkelokalet når skjenketida er slutt.