Følgekort er eit tilbod til menneske med nedsett funksjonsevne som treng å ha med følge på kultur- og fritidsarrangement.

Retningsliner for følgekort/ledsagerbevis (PDF, 35 kB).

Meir informasjon om følgekort og ledsagerbevis på helsenorge.no.

Følgekort skal gi menneske med nedsett funksjonsevne høve til å ha med følge for å kunne delta på arrangement. Den funksjonshemma sitt følge skal kunne få fri eller rabattert adgang til kultur- og fritidsaktivitetar, i tillegg til visse transportmiddel.

Tilbodet er gratis.

Følgepersonen får kome gratis inn på arrangementet. Innehavaren av kortet betaler aktiviteten sjølv. I Møre og Romsdal reiser følgepersonar gratis med offentleg kommunikasjon.

For å få følgekort må du sende ein grunngitt søknad til kommunen. Vi treng passfoto og uttale frå lege, eller anna helsepersonell, for å handsame søknaden din. Det er ingen søknadsfrist – søknader vert handsama så snart vi har fått dei inn. 

Her er elektronisk søknadsskjema.

Dersom du vil ha søknadsskjemaet på papir, eller treng hjelp til sjølve søknaden, er du velkomen til å ta kontakt med servicetorget på rådhuset. Opningstida er klokka 09.00–15.00. Telefon 70 01 75 00.