BPA passer til yngre funksjonshemma som ønskjer å leve eit sjølvstendig liv. Ved å tilsette og leie sine assistentar sjølv, kan dei organisere hjelpa. Brukar, eller annan frivillig person som brukar utpeikar, må vere arbeidsleiar for assistentane. 

Du kan ha rett til å få organisert tenestene dine som BPA når du

• er under 67 år
• har eit langvarig og stort behov for personleg assistanse

For meir informasjon om retten til BPA, sjå pasient- og brukarrettigheitslova § 2-1 d.

Sjølve BPA-ordninga er gratis. Får du innvilga brukarstyrt personleg assistanse er det kommunen som lønnar assistenten. Du betalar for heimehjelpsteneste og praktisk bistand.

Betalingssatsar for heimehjelp/praktisk bistand er basert på husstanden si samla inntekstgrense som følger grunnbeløpet (G) i folketrygda, det vil seie husstanden si netto likning før særfrådrag.

(Abonnementsprisen er basert på hustanden si samla netto inntekt før særfrådrag med inntektsgrenser som følger grunnbeløpet i Folketrygda. Abonnementsprisane vert regulert 1. januar kvart år.

1 G = 124 028 kroner per 01.05.2024.

Informasjon om grunnbeløpet (G) i folketrygda (vert justert kvart år).

Søknadsskjema

Dokumentasjon frå lege, sjukehus eller andre instansar skal leggast ved søknaden.

Kommunen har plikt til å behandle søknaden din så snart som mogleg. Dersom det ikkje vert avgjort innan 4 veker skal du ha skriftleg melding om dette, med opplysningar om når du kan vente at det vert gjort vedtak i saka.

Vi nyttar ressursorientert saksbehandling. Det vil seie at vi er opptekne av kva innbyggarar klarer sjølve, kva pårørande og anna nettverk kan hjelpe til med, og kva omsorgsetaten kan bidra med. Dette får vi til gjennom samarbeid og dialog med kvarandre, der målet er at innbyggarar med hjelpebehov, skal kunne leve eit mest mogleg sjølvstendig liv.

Vurdering

Vi kartlegg behovet ditt for tenester.

Saksbehandlar vil kontakte deg for å snakke med deg om søknaden og avtale eit heimebesøk dersom det vert vurdert som naudsynt.

Når det vert gjort vedtak i saka vil det gå fram om du har fått tildelt tenesta eller ikkje, og kva tenesta omfattar. Du vil også få ei grunngiving for vedtaket.

Dersom du ikkje er nøgd med vedtaket kan du klage til kommunen innan fire veker frå du fekk vedtaket. 

Forklar kva du er misfornøgd med og kvifor du meiner at vedtaket bør endrast. Kommunen pliktar då å ta ei ny vurdering.

Vert avgjerda ståande, vert saka sendt vidare til Statsforvaltaren. Dette får du melding om.

Send klaga di til

Ulstein kommune v/kommunalsjef helse og omsorg, postboks 143, 6067 Ulsteinvik.