Bli aktivitetsvenn

Aktivitetsvenn - Klikk for stort bilete

- dobbel glede!

Ulstein kommune har signert samarbeidsavtale med Nasjonalforeningen for folkehelsen, Ytre Søre Sunnmøre demensforening og Ulstein Frivilligsentral, og er i ferd med å etablere tilbodet Aktivitetsvenn. No leitar vi etter frivillige som kan tenkje seg å bli aktivitetsvenner.

Gjennom tilbodet Aktivitetsvenn får menneske med demens fleire aktivitetar og gode opplevingar i kvardagen, og får høve til å halde fram med sine vanlege aktivitetar.  Fritidsaktivitetar og gode opplevingar har positiv effekt. Sjølv for menneske der sjukdomen har kome så langt at opplevingar raskt vert gløymde, viser det seg at dei gode kjenslene og stemninga varer.

Å vere aktivetetsvenn er enkelt. Du treng berre å gjere noko du likar, saman med ein som har demens.  Saman kan dokke til dømes gå tur, spele spel, gå på teater, konsert eller kino, fiske, male, gjere hagearbeid, - eller møtast for ein kopp kaffi og ein prat. Berre fantasien set grenser for kva ein kan gjere saman.

Kva likar du å gjere? Vi gir opplæring og rettleiing, og koplar deg saman med ein med demens på bakgrunn av felles interesser.

Meir informasjon om tilbodet Aktivitetsvenn finn du på Nasjonalforeningen for folkehelsen sine nettsider  http://nasjonalforeningen.no/tilbud/aktivitetsvenn-for-personer-med-demens/    

Du kan også ta kontakt med folkehelsekoordinator Kristine Dale, mob. 476 69 373 eller epost til  kristine.dale@ulstein.kommune.no  

Informasjon om tid og stad for kurs/opplæring kjem i august.

ulsteinfrivilligsentral_logo.jpg - Klikk for stort bilete

Publisert av Asbjørg Garshol. Sist endra 03.07.2017
Fann du det du leita etter?

Kontaktpersonar

Kristine  Dale Kristine Dale Folkehelsekoordinator
476 69 373
@ Kristine Dale
Login for redigering