Monica Cecilie Torp er utdanna sivilingeniør frå NTNU i industriell økonomi og teknologileiing. Ho har meir enn ti års erfaring som leiar, prosjektleiar, rådgjevar og testleiar frå Gjensidige. I tillegg har ho jobba nokre år som IT-konsulent mot offentlege verksemder som Utlendingsdirektoratet og Utdanningsdirektoratet. 

Gler seg

Monica er oppteken av korleis teknologi påverkar menneske og samfunn, men også korleis teknologien kan bidra til å forenkle liva våre.

Ho gler seg til å vere med på å gjere Ulstein til ein attraktiv stad å bu og jobbe.

Monica kjem frå Østfold og er gift med ein herøyværing. Etter mange år på Austlandet er dei klare for å gjere draumen om å bli sunnmøringar verkeleg.

Utviklingsarbeid

Som kommunalsjef skal ho blant anna jobbe med dette:

• overordna ansvar for interkommunalt og tverrsektorielt utviklingsarbeid, digitalisering, kvalitetssikring og innkjøp
• personalansvar for leiarane i stabseiningane
• samordning av stab og utvikling av stabseiningane sin støttefunksjon i organisasjonen
• ansvar for koordinering av kommuneplanarbeidet
• stedfortredar for rådmannen