Tar del i friidrettsfesten med kommunikasjonstavler

Klikk for stort bileteAlle barnehagane i Ulstein har fått opplæring i å bruke kommunikasjonstavler som verktøy. Kathrin Rise I Høddvollbarnehagen har dei laga tavler om Ulstein-ambassadør Karsten Warholm.

Fredag brakar friidrettsstemnet Karsten Warholm International laus i Ulsteinhallen.

Alle barnehagane i Ulstein har nyleg fått opplæring i å lage kommunikasjonstavler med bilde. Tavlene gjer at barn som har behov for støtte i språket sitt, kan delta i dialogen og samspelet om ulike tema.

Tavlene dei har laga i Høddvollbarnehagen er til god hjelp når barna kommuniserer om idrett, idrettsglede og stemnet som snart går av stabelen. 

Vi heiar på godt spesialpedagogisk arbeid og ønsker alle involverte i Karsten Warholm International lykke til!