Stikk UT!-sesongen startar 1. mai

Klikk for stort bilete Svein Arne Orvik Vi har ei rekke Stikk UT!-turar i Ulstein. 

Fredag 1. mai startar årets Stikk UT! Vi trur det blir rekordstor deltaking denne sesongen når så mange må droppe andre ferieplanar. Vi har eit eldorado av fantastiske turmål på Sunnmøre, og Stikk UT! tilbyr turar for alle aldrar og funksjonsnivå.

 

Desse Stikk UT!-turane finst i Ulstein:

  • Aursnesvatnet rundt
  • Blåtinden
  • Breifjellet
  • Garnestua frå Løset
  • Garnesvatnet
  • Høgda på Eika
  • Høgåsen frå Kleven
  • Lisjenotten
  • Nibben
  • Nissevegen
  • Osberget nord
  • Roppehornet
  • Røyrafjellet

NB: Hoksteinen på Flø er tatt ut av Stikk UT! i 2020. 

 

Finn turmål og kart

På denne nettsida ser du kart og liste over turmål i Ulstein

Vil du ha med deg turforslaga på mobil, kan du laste ned Kommunekart-appen. Der finn du StikkUT! - turane ved å klikke på knappen med kommunelogo og bla deg nedover i lista. Du finn same løysinga på PC ved å følge denne lenka:
Kommunekart.com (StikkUT! ligg under kartlaget Temakart)

Koronavirus - samfunnsdugnad

Vi er sjølvsagt med på dugnaden om å hindre spreiing av koronasmitte og har tatt følgjande grep i høve årets Stikk UT!-sesong:

  • I år vil det ikkje bli lagt ut turbøker i turkassene, men kodane er plassert godt synleg på utsida av turkassene. Slik kan ein enkelt registrere koden digitalt på stikkut.no eller på morotur-appen utan å ta på turkassene.
  • Samtidig ber vi alle om å rette seg etter helsemyndigheitene sine gjeldande råd og reglar om smittevern, og etterfølge desse.
  • I tillegg vil topplista i år vere rangert etter dei med flest turar, ikkje turmål. Med dette ønsker vi å fokusere på nærturar og oppfordrar til turar i nærleiken av der du bur.

 

God tur!